منظور آفریدی خیبرپختونخواہ کے نگراں وزیر اعلیٰ ہوں‌ گے Manzoor Afrid
The news is by your side.

Advertisement

منظور آفریدی خیبرپختونخواہ کے نگراں وزیر اعلیٰ ہوں‌ گے

پشاور: خیبرپختونخواہ میں نگران وزیراعلی کے معاملے پر اپوزیشن اور حکومت میں‌ اتفاق ہوگیا، منظور آفریدی صوبے کے نگراں وزیراعلیٰ ہوں‌ گے.

تفصیلات کے مطابق نگراں وزیر اعلیٰ کے معاملے میں‌ خیبرپختون خواہ دیگر صوبوں‌ پر بازی لے گیا، منظور آفریدی یہ اہم ترین ذمے داری سنبھالیں‌ گے. ان کا نام جے یوآئی (ف) نے تجویز کیا تھا.

وزیراعلیٰ پرویزخٹک اورصوبائی اسمبلی میں قائد حزب اختلاف مولانا لطف الرحمان کے درمیان نگراں وزیراعلیٰ کے لیے ہونے والی گفتگو نتیجہ خیزثابت ہوئی۔

نگراں وزیراعلی کے لئے منتخب ہونے والے منظور آفریدی کا تعلق سیاسی گھرانے سے ہیں، وہ پی ٹی آئی کے سینیٹر ایوب آفریدی کے بھائی ہیں، البتہ وہ کبھی عملی سیاست کا حصہ نہیں‌ رہے.

منظور آفریدی کاروباری شخصیت کے طور پر شہرت رکھتے ہیں، وہ الیکٹرانک آلات بنانے والی معروف نجی کمپنی کےمالکان میں شامل ہیں، 42 سالہ منظور آفریدی کا تعلق فاٹا کی خیبر ایجنسی کے علاقے باڑا سے ہے، وہ جے یو آئی (ف) کے نزدیک تصور کیے جاتے ہیں۔

دیگر صوبوں‌ میں اس وقت نگراں وزیر اعلیٰ کے مشاورت کا عمل جاری ہے۔


عام انتخابات 25 جولائی کو ہوں‌ گے، صدر ممنون حسین نے منظوری دے دی


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں