کراچی : صوبائی وزیر منظور وسان نے کہا ہے کہ بڑی مچھلیوں پرہاتھ ڈالنے کی تیاریاں کر لی گئی ہیں، پیپلزپارٹی بھی نہیں بچے گی۔
تفصیلات کے مطابق خواب دیکھنے کے حوالے سے مشہور سندھ کے صوبائی وزیر منظور وسان نے ایک اورخواب دیکھ لیا۔
ان کا کہنا ہے کہ اگلے دس دن انتہائی اہم اور خاص طور پر مئی کا مہینہ تو بہت ہی زیادہ اہم ہے، اب بڑی مچھلیوں پر ہاتھ ڈالنے کی تیاریاں کر لی گئی ہیں۔
انہوں نے اپنے خواب کو میڈیا سے بھی حسب معمول شیئر کرتے ہوئے کہا کہ اگلے دس دن انتہائی اہم ہیں، سب کو جیلوں میں جانا پڑے گا۔
منظور وسان کا کہناتھا کہ احتسابی عمل سے پیپلزپارٹی بھی نہیں بچے گی مگر پیپلزپارٹی احتساب کیلئے تیار ہے۔
منظور وسان نے مزید کہا کہ راحیل شریف کے اقدام کے بعد اب کوئی احتساب سے نہیں بچے گا، ان کا یہ بھی کہناتھا کہ اس سے پہلے احتساب کا جو بھی نعرہ لگایا گیا تھا وہ ڈھونگ تھا ،اصل احتساب اب ہوگا۔
خواب دیکھنے والے صوبائی وزیر نے خواب تو بتا دیا لیکن اس کی تعبیر پر لب کشائی نہیں کی۔
