ملک کے لیے اگست،ستمبر ،اکتوبر بہت اہم ہیں، 3 ماہ میں احتساب میں بہت سے لوگ نااہل ہونگے، منظور وسان -
The news is by your side.

Advertisement

ملک کے لیے اگست،ستمبر ،اکتوبر بہت اہم ہیں، 3 ماہ میں احتساب میں بہت سے لوگ نااہل ہونگے، منظور وسان

کراچی : وزیرصنعت سندھ منظوروسان نے پیشگوئی کی ہے کہ ملک کے لیےاگست،ستمبر ،اکتوبر بہت اہم ہیں، 3 ماہ میں احتساب میں بہت سےلوگ نااہل ہونگے۔

تفصیلات کے مطابق وزیرصنعت سندھ اور پیپلز پارٹی کے رہنما منظوروسان کی ملک کی سیاسی صورتحال پر پیشگوئیاں جاری ہے، منظوروسان کا کہنا ہے کہ ہوسکتا ہے نیا وزیراعظم اسمبلی تحلیل کرکے جلد الیکشن کرائے، نیب کا فیصلہ آنے سے پہلے اسمبلی تحلیل کے روشن امکانات ہیں۔

وزیرصنعت سندھ نے کہا کہ ملک کے لیے اگست،ستمبر ،اکتوبر بہت اہم ہیں، 3 ماہ میں احتساب میں بہت سےلوگ نااہل ہونگے اور احتساب کا سلسلہ صرف نواز تک محدود نہیں۔

پرویز مشرف کے حوالے سے پی پی رہنما نے کہا کہ پرویزمشرف کا حالیہ بیان سمجھ سے بالاتر ہے، مشرف کے بیانات سے موجودہ اسٹیبلشمنٹ متاثر نہیں ہوسکتی۔


مزید پڑھیں : عید میں بڑی قربانیاں شروع ہوں گی، منظور وسان


منظور وسان کا مزید کہنا تھا کہ ایم کیو ایم پاکستان سمیت دیگردھڑوں کی قیادت مشرف کرسکتے ہیں، مسلم لیگ کےدوسرےدھڑےبھی شامل ہو سکتےہیں۔

اس سے قبل  وزیرصنعت سندھ منظوروسان کا کہنا تھا کہ عید میں بڑی قربانیاں شروع ہوں گی۔ موسم تو ٹھنڈا ہے پر سیاسی موسم گرم رہے گا۔ 24 جولائی سے 15 اگست کے درمیان اہم فیصلے ہوں گے۔

پی پی رہنما نے کہا کہ احتساب کا جو سلسلہ چل پڑا ہے وہ سیاستدانوں تک محدود نہیں رہے گا، اس میں سب آئیں گے، اینٹی کرپشن اب آنٹی نہیں ہوگی اصل اینٹی ہوگی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں