خیرپور: صوبائی وزیر منرل مائنز منظور وسان نے کہا ہے کہ رینجرز کے اختیارات میں ہمیں کوئی اعتراض نہیں ہے،سب سے زیادہ پیپلزپارٹی دہشت گردی کا شکار ہوئی ہے۔
انہوں نے کہا کہ ذوالفقار بھٹو بھی عدالتی دہشت گردی کے شکار ہوئے تھے، صوبائی وزیر منرل مائنز منظور وسان نے خیرپور میں میڈیا سے گفتگو کرتے ہوئے کہا کہ جو رینجرز کو اختیار ہیں وہ ہی استعمال کرے، پر اس کا مطلب یہ نہ لیا جائے کہ پیپلزپارٹی کرپشن یا دہشت گردی کی سپورٹ کررہی ہے۔
ان کا کہنا تھا کہ سیاست میں اتاؤ ،چڑہاؤ آنا ہے کچھ لوگ ہمارے ساتھ ہونگے، کچھ چھوڑ کے چلے جائینگے، منظور وسان کا مزید کہنا تھا کہ پیپلزپارٹی کو گرینڈ الائنس سے کوئی فرق نہیں پڑتا۔
ایم کیو ایم عقلمند ہے،جس کا پلڑا بھاری ہوگا ایم کیو ایم اس کے ساتھ ہوگی منظور وسان وسان کا کہنا تھا کہ آصف زرداری 2016 میں وطن واپس آئینگے،منظور وسان کہنا تھا کہ پہلی جنوری کو بہت بڑا خواب دیکھوں گا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں