ملک میں الیکشن وقت سےپہلے ہونگے، منظور وسان کا نیا خواب -
The news is by your side.

Advertisement

ملک میں الیکشن وقت سےپہلے ہونگے، منظور وسان کا نیا خواب

کراچی : وزیرصنعت سندھ منظوروسان نے نیا خواب دیکھ لیا ، انکا کہنا ہے کہ ملک میں الیکشن وقت سے پہلےہونگے، سیاستدانوں کیلئے 2ماہ اہم ہیں ، عید پر بڑوں کی قربانی ہوگی‌‌۔

تفصیلات کے مطابق وزیرصنعت سندھ اور پیپلز پارٹی کے رہنما منظوروسان کی ملک کی سیاسی صورتحال پر پیشگوئیاں جاری ہے، منظوروسان کا کہنا ہے ملک میں الیکشن وقت سے پہلے ہونگے، نوازشریف نے ٹکراؤ کیا تو الیکشن میں تاخیر ہوگی، نوازشریف ملک سے باہر چلے گئے تو جیل سےبچ سکتے ہیں۔

وزیرصنعت سندھ نے کہا کہ سیاستدانوں کیلئے نومبر ،اکتوبر اہم ہیں ، عید پر بڑوں کی قربانی ہوگی، کچھ رہیں گے اور کچھ چلے جائیں گے،احتساب ہونے کے بعد صاف ستھرے لوگ آئیں گے۔

ٹرمپ کے پاکستان پر الزامات کے حوالے سے منظور وسان کا کہنا تھا کہ ٹرمپ بیان نہ دیتا تو احتساب کا عمل تیز ہوتا،ٹرمپ کے بیان کے داخلی وخارجی صورتحال پر اثرات پڑیں گے، پاکستان کی پوزیشن ڈاؤن کرنے کی کوشش کی جارہی ہے۔


مزید پڑھیں : ملک کے لیے اگست،ستمبر ،اکتوبر بہت اہم ہیں، بہت سے لوگ نااہل ہونگے، منظور وسان


انھوں نے کہا کہ سندھ میں حکومت بنانے کیلئے پی پی پی مخالف اتحاد بنایا جارہاہے، ایم کیو ایم دھڑے الیکشن سے پہلےایک ہوجائیں گے۔

اس سے قبل وزیرصنعت سندھ منظوروسان نے اپنے بیان میں پیشگوئی کی تھی کہ ملک کے لیےاگست،ستمبر ،اکتوبر بہت اہم ہیں، 3 ماہ میں احتساب میں بہت سےلوگ نااہل ہونگے۔

منظوروسان کا کہنا تھا کہ عید میں بڑی قربانیاں شروع ہوں گی، احتساب کا جو سلسلہ چل پڑا ہے وہ سیاستدانوں تک محدود نہیں رہے گا، اس میں سب آئیں گے، اینٹی کرپشن اب آنٹی نہیں ہوگی اصل اینٹی ہوگی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں