site
stats
پاکستان

نواز شریف جیل ضرور جائے گا،منظور وسان

کراچی : وزیرصنعت سندھ منظوروسان کا کہنا ہے کہ نواز شریف جیل ضرور جائے گا، عمران خان کا کام پوراہوجائے گاتووہ خودچلاجائے گا، مستقبل میں نئی ایم کیو ایم کا سربراہ دبئی سے ہوگا۔

تفصیلات کے مطابق وزیرصنعت سندھ منظوروسان نے میڈیا سے گفتگو کرتے ہوئے کہا کہ پیپلزپارٹی کے خلاف جام صادق کے دور میں اتحاد بنے تھے ، نوازشریف کی طبیعت کواچھی طرح جانتاہوں ، نوازشریف ٹکراؤکے بغیر نہیں رہ سکتے ہیں، ٹکراؤ شروع ہے ختم نہیں ہوگا۔

منظوروسان کا کہنا تھا کہ نواز شریف وطن آئے تو پھر شاید واپس نہیں جاسکیں گے، نواز شریف جیل ضرور جائے گا، مستقبل میں مریم نواز یا شہباز شریف وزیراعظم بن سکتے ہیں۔

عمران خان کے حوالے سے وزیرصنعت نے کہا کہ عمران خان کا کام پورا ہو جائے گا تو وہ خود چلاجائے گا، خوابوں کا دور ختم ہوگیااب پرڈیکشن کرتاہوں، عمران خان کہتےہیں زرداری جیل جائےگا ،میں کہتاہوں عمران جیل جائےگا۔

انکا مزید کہنا تھا کہ جی ڈی اے والوں کو بھی جیل جانے کیلئے تیار رہنا چاہئے ، جی ڈی اے کو آئندہ الیکشن میں ایک بھی سیٹ نہیں ملے گی۔

ایم کیو ایم سے متعلق منظوروسان نے پیش گوئی کی کہ ایم کیوایم کا مستقبل نظر نہیں آرہاہے ، مستقبل میں نئی ایم کیو ایم کا سربراہ دبئی سے ہوگا۔


ملک کے لیے اگست،ستمبر ،اکتوبر بہت اہم ہیں، منظور وسان


یاد رہے چند روز قبل صوبائی وزیر منظور وسان کا کہنا تھا کہ ہم کیسز سے نہیں ڈرتے لیکن نیب کا پنجاب میں الگ اور سندھ میں الگ نظام ہے، احتساب صرف سیاست دانوں کا ہی نہیں سب کا ہونا چاہیے، احتساب کا دہرا نظام ملک کے لیے بہتر نہیں ہے۔

خیال رہے کہ رواں سال 4 اگست کو صوبائی وزیرتجارت منظور وسان نے پیشگوئی کی تھی کہ ملک کے لیےاگست، ستمبر،اکتوبربہت اہم ہیں، 3 ماہ میں احتساب میں بہت سےلوگ نااہل ہوں گے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top