The news is by your side.

Advertisement

ایم کیو ایم کا کراچی میں وجود ختم ہوچکا ہے، منظور وسان

کراچی: پیپلزپارٹی کے سینئر رہنما منظور وسان نے کہا ہے کہ کراچی کا امن کسی کو خراب کرنے کی اجازت نہیں دیں گے، ایم کیو ایم کا کراچی میں وجود ختم ہوچکا ہے۔

ان خیالات کا اظہار انہوں نے پیپلزپارٹی سندھ کے مشاورتی اجلاس سے خطاب کرتے ہوئے کیا، منظور وسان نے کہا کہ کراچی کے باغ جناح گراؤنڈ میں بڑا جلسہ منعقد کریں گے، 12 مئی کے جلسے میں عوام کا سمندر ہوگا، جلسے سے بلاول بھٹو اور دیگر مرکزی و صوبائی رہنما خطاب کریں گے۔

انہوں نے کہا کہ ایم کیو ایم اور پی ٹی آئی کو انتخابات میں شکست دیں گے، کراچی میں پیپلزپارٹی پھر سے میدان مارے گی، کراچی کے عوام پیپلزپارٹی کے ساتھ ہیں، ایم کیو ایم، پی ٹی آئی کراچی کا امن خراب کرنے کی سازش کررہے ہیں۔

سندھ اسمبلی اجلاس میں خطاب کرتے ہوئے صوبائی وزیر منظور وسان نے کہا کہ اب جیل جانے والوں کو ناشتے میں انڈا ملے گا، میں خود بھی جیل گیا اور وزیر جیل خانہ جات بھی رہا ہوں، اب جو لوگ جیل جائیں گے میرے کاموں کی تعریف کریں گے۔

ترجمان بلاول ہاؤس اعجاز درانی نے کہا ہے کہ پی ٹی آئی کے مسخروں کی الزام تراشی کی مذمت کرتے ہیں، عامر لیاقت، علی زیدی اپنے لیڈر کے نقش قدم پر چل رہے ہیں، وہ عمران نیازی کی طرح جھوٹے الزامات لگا رہے ہیں، تحریک انصاف ایم کیو ایم پارٹ ٹو ہے، پی ٹی آئی گولی اور گالی کی سیاست پر یقین رکھتی ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں