The news is by your side.

Advertisement

28 مارچ سے پہلے کیا ہوگا ؟ منظور وسان نے بڑی پیش گوئی کردی

اسلام آباد : مشیر زراعت سندھ منظور وسان نے پیش گوئی کی ہے کہ ڈی چوک پر پی ٹی آئی اور اپوزیشن جلسہ نہیں کرے گی، 28 مارچ سے پہلے تمام معاملات حل ہوجائیں گے۔

تفصیلات کے مطابق سیاسی پیشگوئیوں کے حوالے سے شہرت رکھنے والے پاکستان پیپلز پارٹی کے رہنما اور مشیر زراعت سندھ منظور وسان نے اپنے ویڈیو بیان میں کہا کہ شیخ رشید کو مستقبل میں مچھ جیل میں قید دیکھ رہا ہوں۔

منظور وسان کا کہنا تھا کہ شیخ رشید اب بہانہ ڈھونڈرہا ہے، مگران کی گیم اوورہوچکی ، ان کے 28 مارچ تک ایسے ہی بیانات آئیں گے اور شیخ رشید کو شیخ رشید نہیں سمجھا جائے گا۔

مشیر زراعت سندھ نے مزید کہا کہ اراکین قومی اسمبلی عمران خان نفرت کااظہار کرکے ان سے الگ ہورہے ہیں اور عمران خان بائیکاٹ کا بہانہ کرکے فرار ہونا چاہتے ہیں۔

پی پی رہنما نے پیش گوئی کی کہ ڈی چوک پر پی ٹی آئی اور اپوزیشن جلسہ نہیں کرے گی، 28 مارچ سے پہلے تمام معاملات حل ہوجائیں گے، بہت جلد بائے بائے عمران نیازی کی دھوم مچنے والی ہے۔

ان کا کہنا تھا کہ قومی حکومت بھی بن سکتی ہے جس میں کوئی حرج نہیں ، اچھی بات ہے لیکن قومی حکومت آگے چل کر عام انتخابات کروائے۔

منظور وسان نے کہا کہ عمران خان اب کسی کوکچل نہیں سکتا کیونکہ اب وہ پہلے جیسے وزیراعظم نہیں۔

گذشتہ روز مشیر زراعت سندھ منظور وسان نے پیش گوئی کی تھی کہ عدم اعتماد کی ووٹنگ سے قبل ہی کوئی بڑا فیصلہ آجائے گا،عمران خان بائے بائے کرتے نظر آرہے ہیں۔

اتحادی جماعتوں کے حوالے سے صوبائی مشیر کا کہنا تھا کہ جس کا پلڑا بھاری ہوگا اتحادی اس کے پاس جائیں گے، اس بار اپوزیشن کا پلڑا بھاری ہے۔

Comments

یہ بھی پڑھیں