بالی ووڈ اداکارہ رانی مکھرجی کی فلم ’مردانی 3‘ کا ٹریلر جاری کردیا گیا۔
یش راج فلمز کی جانب سے مردانی 3 کا ٹریلر جاری کیا گیا ہے جس میں رانی مکھرجی ایک مرتبہ پھر پولیس افسر کے کردار میں جلوہ گر ہوں گی۔
ٹریلر میں دکھایا گیا ہے کہ شیوانی تین ماہ کے عرصے میں 93 نوجوان لڑکیوں کے اچانک غائب ہونے کی تحقیقات کرتی ہیں۔
فلم اس بار جرائم کی ماسٹر مائنڈ خاتون ہے جسے اماں کا نام دیا گیا ہے، بھکاری مافیا کوئین کا کردار ملیکا پرساد نے نبھایا ہے۔
ٹریلر میں دیکھا جاسکتا ہے کہ اماں پولیس افسر شیوانی کو رشوت دینے کی کوشش کرتی ہے، لیکن شیوانی شیواجی رائے کسی بھی قیمت پر اپنی ڈیوٹی پر سمجھوتہ کرنے سے انکار کرتی ہے۔
ابھیراج منوالا کے ہدایت میں بننے والی فلم مردانی 3 وائی آر ایف کے بینر تلے 30 جنوری کو سنیما گھروں کی زینت بنے گی۔
سوشل میڈیا صارفین کی جانب رانی مکھرجی اور ملکا پرساد کی تعریف کی اجرہی ہے۔
ایک صارف نے لکھا کہ ’یہ کوئی ہارر فلم نہیں لیکن مجھے پھر بھی خوف محسوس ہوا۔‘ دوسرے صارف نے کہا کہ میری ہیروئن شیوانی شیوا جی واپس آگئی ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں