The news is by your side.

Advertisement

سانحہ مردان، نادرا آفس پر خودکش حملے کا مقدمہ درج

مردان : نادرا کے دفتر پر خودکش حملے کا مقدمہ کاؤنٹر ٹیررازم ڈپارٹمنٹ میں نامعلوم دہشتگردوں کیخلاف درج کر لیا گیا ہے، مردان کی فضا آج سوگوار ہے۔

مردان واقعے کی ایف آئی آر دہشتگردی کی دفعات اے سات سو اسی، تین سو دو، تین سو چوبیس، اور چار سو ستائیس کے تحت درج کرلی گئی ہے، ایف آئی آر ایس ایچ او تھانہ سٹی کی مدعیت میں درج کی گئی ہے۔

مردان کے نادرا آفس میں دہشتگردوں کے حملے میں چھبیس افراد جاں بحق ہوگئے تھے، اے آر وائی نیوز نے سفاکیت کے اس واقعے کیخلاف درج ایف آئی آر کی کاپی حاصل کر لی ہے۔

خودکش حملے میں ملوث دہشت گردوں کی گرفتاری کیلیے نوشہرہ کے مختلف علاقوں میں گرینڈ آپریشن جاری ہے، آپریشن کے دوران ستائیس مشتبہ افراد کو گرفتار کر کے ان سے اسلحہ بھی برآمد کر لیا گیا ہے، آپریشن میں سیکیورٹی فورسز، بم ڈسپوزل یونٹ، اور سراغ رساں کتوں کی مدد بھی حاصل ہیں۔

Print Friendly, PDF & Email

Comments

comments

یہ بھی پڑھیں