ٹوبہ ٹیک سنگھ: پولیس نے ماریہ قتل کیس میں بیٹے اور باپ کو قتل میں برابر کا ذمہ دار ٹھہرادیا اور کہا ڈی این اے ٹیسٹ کی فرانزک رپورٹ آنے پر مکمل چالان مرتب کریں گے۔
تفصیلات کے مطابق ٹوبہ ٹیک سنگھ کی عدالت نے ماریہ قتل کیس کے مرکزی ملزمان کو جوڈیشل ریمانڈپر جیل منتقل کردیا۔
ٹوبہ ٹیک سنگھ پولیس نے تفتیش میں بیٹے اور باپ دونوں کو قتل میں برابر کا ذمہ دار ٹھہرایا اور کہا ڈی این اے ٹیسٹ کی فرانزک رپورٹ آنے پر مکمل چالان مرتب کریں گے۔
حکام کا کہنا تھا کہ مقتولہ کا دوسرا بھائی اور بھابھی بھی جوڈیشل ریمانڈ پر ہیں۔
دوسری جانب ملزم کے اعترافی بیان ریکارڈ کرنے پر صحافی اورکیمرہ مین کے خلاف مقدمہ درج کرلیا گیا ہے، صحافی راناخالدمحمود اور کیمرہ مین علی احمد کرد پر مقدمہ درج کیا گیا۔
ملزم کا بیان ریکارڈ کرانے پر پولیس اہلکاروں کے خلاف بھی کارروائی کا حکم دے دیا ہے، ڈی پی اوعبادت نثار کا کہنا ہے کہ ملزم کا بغیر اجازت انٹرویوریکارڈ کیاگیا، زیر حراست ملزم کابیان ریکارڈکرنےپردفعہ 155کےتحت مقدمہ درج کیاگیا۔
صحافی نےپولیس وین میں مرکزی ملزم فیصل اورعبد الستارکابیان ریکارڈ کیا تھا۔