site
stats
کھیل

روسی ٹینس اسٹارماریہ شراپوا پر 2 سال کی پابندی عائد

لندن : روسی ٹینس اسٹار ماریہ شراپوا پر 2سال کی پابندی عائد کردی گئی، آئی ٹی ایف نے ممنوعہ ادویات استعمال کرنے پر سزا سنا دی۔ جنوری میں ماریہ شراپوا کا ڈوپ ٹیسٹ مثبت آیاتھا۔

تفصیلات کے مطابق انٹرنیشنل ٹینس فیڈریشن نے سابق نمبر ون روسی ٹینس اسٹار ماریہ شراپوا پر دو سال کی پابندی عائد کردی ہے۔


Maria Sharapova: Rags to riches to doping shame by arynews

ماریہ شراپوا کا ڈوپ ٹیسٹ رواں سال جنوری میں آسٹریلین اوپن کے دوران لیا گیا۔ مارچ میں ڈوپ ٹیسٹ کی رپورٹ مثبت آنے پر ماریہ شراپوا کو عارضی طور پر معطل کردیا گیا تھا۔

ماریہ شراپوا نے امریکی شہر لاس ایجنلس میں ایک پریس کانفرنس کے دوران خود تصدیق کی تھی کہ وہ آسٹریلین اوپن کے دوران لیے گئے ڈوپ ٹیسٹ میں ناکام ہو گئی ہیں۔ اب انٹرنیشنل ٹینس فیڈریشن نے پانچ بار کی گرینڈ سلم ونر ماریہ شراپوا پر ٹینس کورٹ کے دروازے دو سال کیلئے بند کردئیے۔

پریس کانفرنس کے دوران ماریہ شراپوا نے کہا تھا کہ ان سے ایک بڑی غلطی سرزد ہوئی ہے۔ انہوں نے اپنے مداحوں اور شائقین کا دل توڑ دیا ہے۔

ڈوپ ٹیسٹ میں ناکامی سے وہ ٹینس کھیل کی شاندار روایت کے خلاف کام کرنے کی مرتکب ہوئی ہیں۔ شراپوا گزشتہ گیارہ سال کے دوران سب سے زیادہ کمائی کرنے والی خاتون ایتھلیٹ ہیں۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top