تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

ارما کے بعد طوفان ماریا کیٹگری5 کے طوفان میں تبدیل

پورٹوریکو : سمندری طوفان ماریا ڈومینیکوکے ساحلی علاقوں سے ٹکرانے کے بعد اب پورٹوریکو کا رخ کر رہا ہے، شدت میں اضافے کے بعد یہ طوفان کیٹگری فائیو میں تبدیل ہوچکا ہے۔

تفصیلات کے مطابق طوفان ارما کے بعد اب طوفان ماریا نے مختلف علاقوں کا رخ کرلیا ہے، ڈومینیکوکے ساحلی علاقوں سےٹکرانے کے بعد اب طوفان ماریا پورٹوریکو کی جانب بڑھ رہاہے، شدت میں اضافے کے بعد یہ طوفان کیٹگری فائیو میں تبدیل ہوچکا ہے۔

پورٹوریکو میں طوفان سے قبل حفاظتی انتظامات مکمل کر لئے گئے ہیں، پیڑول اسٹیشن پر گاڑیوں کی طویل قطاریں لگ گئی ہے جبکہ بڑے پیمانے پر ضروری اشیائے ضرورت کی خریداری کے باعث اسٹورز خالی ہوگئے۔


مزید پڑھیں :  طوفان اِرما کے بعد بحیر ہ اوقیانوس میں ماریا نامی طوفان شدت پکڑنے لگا


ہری کین سینٹر کا کہنا ہے طوفان ماریا کے دوران ایک سوساٹھ میل فی گھنٹہ کی رفتارسے ہوائیں چلیں گی اور شدید بارش کی توقع ہے۔طوفان ماریا کے کیریبین سے ٹکرانے کا بھی امکان ہے۔

یاد رہے  گذشتہ ہفتے سمندری طوفان ارما بھی کیٹگری فائیو کا تھا ، جس نے کیریبیئن جزائر، کیوبا اور امریکی ریاست فلوریڈا کے ساحلی علاقوں میں تباہی مچادی تھی جبکہ ارما ہلاک افراد کی تعداد چالیس تک جا پہنچی تھی۔

طوفانی ہواؤں، شدید بارشوں نے فلوریڈا کے ساحلی علاقوں کو تہس نہس کر دیا تھا، مکانوں کی چھتیں اڑ گئیں، درخت جڑوں سے اکھڑ گئے، ساٹھ لاکھ سے زائد صارفین بجلی  سے محروم ہوگئے تھے ، جس کے بعد  ریاست فلوریڈا کو آفت زدہ قرار دے دیا گیا تھا۔


مزید پڑھیں : سمندری طوفان ارما فلوریڈا سے ٹکرا گیا


گزشتہ ایک صدی میں اِرما کو بحر اوقیانوس سے اٹھنے والے انتہائی شدید اور طاقتور طوفانوں میں شمار کیاجاتا ہے۔

واضح رہے ارما سے قبل  امریکی ریاست ٹیکساس میں طوفان ہاروے نے تباہی مچادی تھی ، طوفان سے ہلاکتوں کی تعداد 47 تک جاپہنچی جبکہ 1 لاکھ مکانات کو نقصان پہنچا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

- Advertisement -