The news is by your side.

ماڑی پور روڈ پر بیٹھے مظاہرین کا اٹھنے سے انکار، پولیس کی وارننگ

کراچی : ملک بھر کی طرح کراچی میں بھی بجلی کی عدم فراہمی کیخلاف مظاہروں کا سلسلہ جاری ہے، شہری لوڈ شیڈنگ کی اذیت برداشت کرتے کرتے اپنی قوت برداشت ختم کر بیٹھے۔

کراچی کے علاقے ماڑی پور سمیت مختلف مقامات پر کئی کئی گھنٹے بجلی کی لوڈشیڈنگ کیخلاف شہری گزشتہ رات سے سراپا احتجاج ہیں۔

کراچی پولیس نے مظاہرین کو روڈ کلیئر کرنے کےلئے 10منٹ کا وقت دے دیا، کسی بھی ناخوشگوار واقعے سے نمٹنے کیلئے پولیس اور رینجرز کی بھاری نفری موقع پر پہنچ گئی۔

اس موقع پر پولیس افسر کی بزرگ شہری سے تلخ کلامی بھی ہوئی جس کے بعد مظاہرین میں شامل ایک شخص کو گرفتارکرنے کی کوشش کی گئی۔

مظاہرین کی جانب سے پولیس کو شدید مزاحمت کا سامنا کرنا پڑا، مظاہرین کا کہنا ہے کہ جب تک کےالیکٹرک کے نمائندے ہمارا مسئلہ حل نہیں کرینگے ہم یہیں بیٹھے رہیں گے۔

مظاہرین کو روکنے کیلئے لیاری ایکسپریس وے ماڑی پور جانے کیلئے بند کردیا گیا، گارڈن انٹرچینج پر موٹر وے پولیس کی جانب سے گاڑی لگا کرسڑک کو بند کردیا گیا۔

مزید پڑھیں : ملک بھر میں علانیہ اور غیر علانیہ لوڈ شیڈنگ نے عوام کی زندگی اجیرن کر دی

ماڑی پور روڈ پر احتجاجی مظاہرے کی وجہ سے کراچی میں ٹریفک کا نظام درہم برہم ہوگیا، روڈ بند کرنے کے باعث گارڈن انٹر چینج پر ٹریفک کا دباوٴ مزید بڑھ گیا۔

Comments

یہ بھی پڑھیں