حال ہی میں رشتہ ازدواج سے منسلک ہونے والی معروف اداکارہ مریم نفیس کی نئی تصاویر سوشل میڈیا پر خوب وائرل ہو رہی ہیں۔
فوٹو اینڈ ویڈیو شیئرنگ ایپلی کیشن انسٹا گرام پر مریم نفیس نے اپنی نئی تصاویر مداحوں کے ساتھ شیئر کر دیں۔ تصاویر میں انہیں گلابی رنگ کے مغربی لباس میں دیکھا جا سکتا ہے۔
مریم نفیس نے تصاویر کا حوالہ دیتے ہوئے کیپشن میں لکھا کہ ”یہ صحیح شخص سے شادی کے بعد کے اثرات ہیں“۔ تصاویر سے معلوم ہوتا ہے کہ وہ اپنی زندگی مین بہت خوش ہیں۔
View this post on Instagram
تصاویر دو گھنٹے قبل پوسٹ کی گئی ہیں۔ انہیں اب تک 10 ہزار سے زائد مداح پسند کر چکے ہیں۔
اس سے قبل مریم نفیس نے اپنی شادی کی ویڈیو شیئر کی تھیں۔ مریم نفیس فلم میکر امان احمد کے ساتھ رشتہ ازدواج میں منسلک ہوئیں۔ اداکارہ کے شادی کی ویڈیوز اور تصاویر سوشل میڈیا پر وائرل ہوئی تھیں۔
View this post on Instagram
مریم نفیس نے اپنی شادی کی ایک ویڈیو شیئر کی جس میں وہ شوہر امان احمد کے ساتھ رقص کر رہی تھیں۔ ویڈیو میں دیکھا گیا کہ مریم نفیس عروسی لباس میں ملبوس ہیں جبکہ ان کے شوہر نے شیروانی زیب تن کی ہوئی ہے۔
View this post on Instagram
مریم نفیس نے مئی 2021 میں امان احمد سے منگنی کی تھی۔ ان کے شوہر امان احمد بھی اداکار ہونے کے ساتھ فلم میکر بھی ہیں۔ اداکارہ نے ”دیار دل“، ”عشق بے نام“، ”حیا کے دامن میں“، ”کبھی بینڈ، کبھی باجا“، ”یاریاں“، ”محبت نہ کریو“، ”جھوٹی“ اور ”کچھ نہ کہو“ جیسے ڈراموں میں شاندار اداکاری کے جوہر دکھا چکی ہیں۔
