معروف امریکی ٹیکنالوجی کمپنی ٹیسلا کے سربراہ ایلون مسک نے میٹا کے سی ای او مارک زکربرگ کو ایک بار پھر لڑنے کا چیلنج دے دیا۔
میڈیا رپورٹس کے مطابق ایلون مسک کو امریکی ایوان نمائندگان میں اسرائیلی وزیر اعظم نیتن یاہو کے خطاب میں شرکت کیلیے مدعو کیا گیا تھا جہاں انہوں نے میڈیا سے مختصر گفتگو کی۔
ایلون مسک نے کہا کہ وہ مارک زکربرگ سے کسی بھی وقت، کسی بھی جگہ اور کسی بھی اصول کے تحت لڑائی کریں گے۔
جب ایلون مسک کا مذکورہ بیان سوشل میڈیا پر وائرل ہوا تو میٹا کے سربراہ مارک زکربرگ نے بھی اس پر اپنے ردعمل کا اظہار کیا۔
سوشل میڈیا پر پلیٹ فارم تھریڈز پر ایک صارف نے ایلون مسک کا بیان شیئر کیا تو مارک زکربرگ نے کمنٹ میں لکھا کہ کیا ہم یہ دوبارہ کرنے والے ہیں۔
سوشل میڈیا صارفین نے اس پر اپنے خیالات کا اظہار کیا۔
ایک صارف نے لکھا کہ کوئی زکربرگ سے اس بارے میں پوچھے تو وہ شاید صرف اتنا کہیں گے کہ ایلون مسک سنجیدہ نہیں ہے لہٰذا اس پر بات کرنا فضول ہے۔
دوسرے نے تبصرہ کیا کہ دوبارہ نہیں بلکہ ہم ابھی بھی آخری وقت کا انتظار کر رہے ہیں جب انہوں نے کہا تھا کہ وہ لڑیں گے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں