ڈپٹی کمشنر (ڈی سی) لاہور نے لاہور کی مارکیٹوں کے کاروباری اوقات کار میں یکم جون تک نرمی کا اعلان کردیا ہے۔
اے آر وائی نیوز کے مطابق وزیر اعلیٰ پنجاب مریم نواز کی ہدایت پر ڈپٹی کمشنر لاہور نے تاجروں کے دیرینہ مطالبے پر کاروباری اوقات رات 10 بجے تک مقرر کرنے کا اعلان کیا ہے۔
انہوں نے کہا کہ یہ نرمی عید الاضحیٰ کی مناسبت سے کی گئی ہے۔
مارکیٹوں کے اوقات میں توسیع کے فیصلے پر فوری عملدرآمد کی ہدایت کی گئی ہے۔
کیپٹن ریٹائرڈ محمد علی اعجاز نے کہا کہ اس عمل سے معاشی سرگرمیاں مزید فعال ہو سکیں۔ اقدام سےشہریوں کیلئےخریداری کےعمل کو آسان بنانا ہے۔
لاہور میں تاجر تنظیموں نے وزیر اعلیٰ پنجاب مریم نواز کے اس فیصلے پر انہیں خراج تحسین پیش کیا ہے۔
واضح رہے کہ ایران، اسرائیل اور امریکا کی جنگ کے سبب پیٹرولیم مصنوعات کی قلت کے سبب کفایت شعاری مہم کے تحت مارکیٹ کے اوقات رات 8 بجے مقرر کیے گئے تھے۔
خواجہ نصیر اے آر وائی نیوز لاہور سے وابستہ ہیں اور صوبہ پنجاب کی سیاسی خبروں پر نظر رکھتے ہیں