The news is by your side.

Advertisement

پسندیدہ پاکستانی کرکٹر کون؟ مارنوس لابوشین نے نام بتادیا

قومی ٹیم کی سحر انگیز شخصیت محمد رضوان سے جو ملتا ہے ان کا دیوانہ ہوجاتاہے، یہی وجہ ہے کہ ان کے فین کلب میں روز بروز اضافہ ہورہا ہے۔

تفصیلات کے مطابق آسٹریلوی کرکٹ ٹیم کے مایہ ناز بیٹر مارنوس لابوشین قومی وکٹ کیپر بیٹر محمد رضوان کے ’فین‘ ہوگئے، کراچی ٹیسٹ کے اختتام پر قومی ٹیم اور مہمان کرکٹرز کی ہوٹل میں گفتگو کرتے تصاویر پی سی بی نے شیئر کیں۔

ان تصاویر پر تبصرہ کرتے ہوئے مارنوس نے کہا کہ پانچ دن ٹیسٹ کرکٹ کھیلنے کے بعد آپ کیا کرتے ہیں؟ ہوٹل میں واپس آکر پانچ دن کی ٹیسٹ کرکٹ کے بارے میں بات کرتے ہیں۔

مارنوس کے اس ٹوئٹ کے جواب میں ایک صارف نے مہمان کرکٹر سے سوال کیا کہ پاکستان ٹیم میں ایسا کون سا کھلاڑی ہے؟ جس سے آپ کو گپ شپ کرنے میں مزہ آتا ہو، لابوشین نے جواب میں محمد رضوان کو ٹیگ کرتے ہوئے کہا کہ رضوان ایک عظیم بندے ہیں۔

واضح رہے کہ پاکستان کے وکٹ کیپر بیٹر محمد رضوان نے پنڈی ٹیسٹ کے دوران آسٹریلوی کرکٹر مارنوس لابوشین کے بازو پر لگنے والی گیند کے بعد مہمان کرکٹر کا بازو سہلا کر دل جیت لیے تھے۔

 

Comments

یہ بھی پڑھیں