شادی خواتین سے زیادہ مردوں کے لیے فائدہ مند -
The news is by your side.

Advertisement

شادی خواتین سے زیادہ مردوں کے لیے فائدہ مند

یوں تو تنہا زندگی گزارنے کی نسبت ازدواجی رشتے میں بندھنا بہت سے طبی مسائل اور ذہنی و نفسیاتی پیچیدگیوں سے چھٹکارہ دلا سکتا ہے، تاہم حال ہی میں ایک تحقیق میں انکشاف ہوا کہ شادی خواتین کی نسبت مردوں کے لیے زیادہ فائدہ مند ہے۔

یونیورسٹی کالج لندن میں کی جانے والی ایک تحقیق کے مطابق غیر شادی شدہ مرد، غیر شادی شدہ خواتین کی نسبت زیادہ طبی مسائل کا شکار ہوسکتے ہیں۔

couple-2

اس تحقیق کے لیے انگلینڈ، اسکاٹ لینڈ اور ویلز کے 10 ہزار سے زائد افراد کا تجزیہ کیا گیا۔ ماہرین نے دیکھا کہ غیر شادی شدہ یا طلاق یافتہ مرد دل کے امراض کا زیادہ شکار بنے۔ اس کی نسبت سنگل خواتین میں یہ شرح بہت کم دیکھی گئی۔

ماہرین نفسیات کا کہنا ہے کہ اس کی وجہ دونوں کے رویوں اور مزاج کا فرق ہے۔

خواتین عموماً دوست بناتی ہیں اور ان سے گفت وشنید کرتی رہتی ہیں۔ وہ اپنی زندگی میں موجود تمام مسائل اور محرومیوں کا تذکرہ ایک دوسرے سے کرتی رہتی ہیں جس کے باعث وہ دماغی طور پر پرسکون رہتی ہیں۔

مزید پڑھیں: خوش و خرم جوڑوں کی کچھ عادات

مزید پڑھیں: ناخوشگوار ازدواجی زندگی بیویوں میں بیماریوں کا سبب

اس کے برعکس مرد حضرات کم دوست بناتے ہیں، یا وہ دوستوں سے اپنی ذاتی باتیں اور خیالات و احساسات شیئر نہیں کرتے جس کی وجہ سے وہ مختلف طبی امراض اور ذہنی مسائل کا شکار ہوجاتے ہیں۔

اس سے قبل بھی کئی تحقیقوں میں ثابت کیا جا چکا ہے کہ ایک خوشگوار ازدواجی تعلق نہ صرف ذہنی و نفسیاتی الجھنوں سے بچاتا ہے بلکہ صحت پر بھی مفید اثرات مرتب کرتا ہے۔

couple-3

یونیورسٹی آف یارک کے ماہرین کی ایک تحقیق سے پتہ چلا تھا کہ معاشرے میں تنہا رہنے والے افراد میں امراض قلب اور فالج کے خطرے کا امکان بڑھ جاتا ہے۔

ماہرین کا کہنا تھا کہ غیر متحرک زندگی اور ذہنی تناؤ سے لوگوں میں فالج اور دل کی بیماریوں کا امکان بڑھ جاتا ہے لیکن سماجی تنہائی لوگوں کے لیے جان لیوا ثابت ہوسکتی ہے۔

Comments

comments

یہ بھی پڑھیں