The news is by your side.

Advertisement

غیرت کے نام پر شادی شدہ لڑکی قتل، بھائی، والدین اور شوہر گرفتار

رائے ونڈ / لاہور : غیرت کے نام پر شادی شدہ لڑکی کو قتل کر کے رات کی تاریکی میں اس کی تدفین کر دی گئی، لاہور میں20سالہ لڑکی پرسرار طور پر جاں بحق ہوگئی۔

تفصیلات کے مطابق رائے ونڈ میں غیرت کے نام پر شادی شدہ لڑکی کو قتل کر کے رات کی تاریکی میں اس کی تدفین کر دی گئی ،پولیس نے اطلاع ملنے پر لڑکی کے بھائی، والدین اور شوہر کو گرفتار کرلیا۔

بتایا گیا ہے کہ رائے ونڈ کے محلہ برھان پورہ میں والدین، بھائی اورشوہر نے مبینہ طور پر پچیس سالہ وفا عرف طیبہ کو قتل کرنے کے بعد رات کی تاریکی میں مقامی قبرستان میں دفن کر دیا ۔

پولیس نے ایمرجنسی سروس پر نامعلوم شخص کی کال موصول ہونے پر لڑکی کے والدین، بھائی اور شوہر کو حراست میں لے کر تحقیقات کی جنہوں نے اپنے جرم کا اعتراف کرتے ہوئے کہا کہ وفا کو بد چلنی کے شبے پر قتل کیا گیا۔

علاوہ ازیں لاہور کے علاقے اسلام پورہ میں20سالہ لڑکی پرسرار طور پر جاں بحق ہوگئی پولیس نے لاش قبضے میں لے کر پوسٹ مارٹم کے لیے اسپتال منتقل کرکے قانونی کارروائی کاآغاز کر دیا۔

اس حوالے سے پولیس کا کہنا ہے کہ بند روڈ کی رہائشی 20 سالہ مہوش کو تشویشناک حالت میں ہسپتال لایا گیا جہاں وہ موت و حیات کی کشمکش میں مبتلا رہنے کے بعد دم توڑ گئی۔

اطلاع ملنے پر پولیس نے موقع پر پہنچ کر لاش کو قبضے میں لے لیا، ڈاکٹروں کے مطابق مہوش کی موت زہریلی چیز کھانے سے واقع ہوئی ہے۔

Comments

comments

یہ بھی پڑھیں