The news is by your side.

Advertisement

فیصل آباد، شادی شدہ خاتون سے 2 ملزمان کی مبینہ زیادتی، ویڈیو وائرل کرنے کی دھمکی

فیصل آباد: پنجاب کے شہر فیصل آباد میں شادی شدہ خاتون کو 2 ملزمان نے مبینہ زیادتی کا نشانہ بنایا اور ویڈیو وائرل کرنے کی دھمکی دی۔

تفصیلات کے مطابق فیصل آباد کے علاقے نیو لاثانی ٹاؤن میں 25 سالہ شادی شدہ خاتون کو 2 ملزمان نے زیادتی کا نشانہ بنا ڈالا، ملزمان نے خاتون سے زیادتی کی ویڈیو بنائی اور اسے وائرل کرنے کی دھمکی بھی دی۔

فیصل آباد کے تھانہ ملت ٹاؤن میں خاتون کے شوہر کی مدعیت میں 4 ملزمان کے خلاف مقدمہ درج کرلیا گیا۔

متاثرہ خاتون فرح کا کہنا ہے کہ ملزمان پستول کی زد پر مجھے اغوا کرکے شانی کی حویلی میں لے گئے، 2 نامعلوم ملزمان نے زیادتی کی اور ایک ملزم نے موبائل پر ویڈیو بنائی۔

خاتون کا کہنا ہے کہ پولیس نے میرے بیان کے برعکس مقدمہ درج کیا ہے، پولیس کے گرفتار نہ کرنے پر ملزمان نے عبوری ضمانت کرالی۔

مزید پڑھیں: فیصل آباد، جرمن خاتون سے اجتماعی زیادتی، ایک ملزم گرفتار، تین فرار

متاثرہ خاتون کا کہنا ہے کہ پولیس نے مقدمے میں اغوا اور سائبر کرائم کی دفعات شامل نہیں کیں۔

خاتون کا کہنا ہے کہ ملزمان میرے شوہر کو سنگین نتائج کی دھمکیاں دے رہے ہیں، وزیراعظم، چیف جسٹس اور وزیراعلیٰ مجھے انصاف اور تحفظ دلائیں۔

واضح رہے کہ گزشتہ سال جولائی میں فیصل آباد میں والد کی تلاش میں آئی جرمن خاتون کو 4 ملزمان نے اجتماعی زیادتی کا نشانہ بنایا تھا، پولیس نے کارروائی کرتے ہوئے ایک ملزم الیاس کو گرفتار کرلیا تھا۔

یاد رہے کہ گزشتہ سال فروری میں فیصل آباد میں دودھ فروش نے دوسری جماعت کی معصوم طالبہ کو زیادتی کا نشانہ بنانے کے بعد قتل کردیا تھا، پولیس نے ملزمان سلیم اور زاہد کو گرفتار کرلیا تھا۔

fb-share-icon0
Tweet 20

Comments

comments

یہ بھی پڑھیں