کراچی : شادی ہال یکم نومبر سےرات دس بجے بند ہوجائیں گے۔ صوبائی وزیر صنعت و تجارت منظور وسان نے فیصلے میں کسی ردوبدل ہونے کے امکانات کومسترد کردیا۔
تفصیلات کے مطابق کراچی والےتیار ہوجائیں، شادی ہال رات دس بجے ہی بند ہوں گے۔ صوبائی وزیر صنعت و تجارت منظور وسان نے صاف صاف کہہ دیا۔
شادی ہال ایسوسی ایشن کے وفد نے صوبائی وزیر صنعت و تجارت منظور وسان سے ملاقات کی اور شادی ہال جلد بند کرنے کے حوالے سے گفتگو کی۔ْ
صوبائی وزیر منظوروسان کا شادی ہال ایسوسی ایشن کے وفد سے ملاقات میں کہنا تھا کہ شادی ہالز دس بجے بند کرنے کا فیصلہ یکم نومبر سے لاگو ہوگا۔
مزید پڑھیں: کاروباری اوقات 9 تا 7 بجے کرنے تقاریب میں ون ڈش کا فیصلہ
یاد رہے کہ وزیر اعلیٰ سندھ مراد علی شاہ نے صوبے میں دکانیں صبح نو بجے کھولنے اور شام سات بجے بند کرنے کے ساتھ شادی ہالوں کو بھی رات دس بجے بند کرنے کے احکامات صادر فرمائے تھے اور شادی کی تقاریب میں کھانا ون ڈش کرنے کے کا حکم بھی جاری کیا گیاتھا، تاہم تاجروں کے احتجاج کے بعد دکانیں سات بجے بند کرنے کا فیصلہ تو نہ ہوسکا البتہ سندھ حکومت شادی ہال رات دس بجے بند کروانے کے فیصلے پر اٹل ہے۔
