The news is by your side.

Advertisement

دہشت گردی میں واضح کمی پاکستان کےعزم اورسچائی کی فتح ہے ،مریم اورنگزیب

اسلام آباد : وفاقی وزیر اطلاعات مریم اورنگزیب کا کہنا ہے کہ دہشت گردی میں واضح کمی پاکستان کےعزم اورسچائی کی فتح ہے، انشااللہ جلد دنیاترقی یافتہ اور خوشحال پاکستان کی تصویردیکھےگی۔

تفصیلات کے مطابق وفاقی وزیر اطلاعات مریم اورنگزیب نے اپنے خطاب میں کہا کہ کوئی مشکل ترقیاتی اہداف کےحصول سےنہیں روک سکتی، پاکستان میں جمہوریت توانا، پارلیمانی نظام مضبوط ہورہاہے، ملک میں آئین وقانون کی حکمرانی ہے،ادارے بااختیار ہیں۔

مریم اورنگزیب کا کہنا تھا کہ پاکستانی میڈیا کو حاصل آزادی کی کہیں مثال نہیں ملتی، پاکستان کوابھرتی معیشت تسلیم کرناحکومتی کارکردگی کا ثبوت ہے،
فوج، سیکیورٹی اداروں کی بےمثال قربانیوں سے امن بحال ہوا۔


مزید پڑھیں : مخالفین نامعلوم نجومیوں کے اشارے پرحکومت گرانا چاہتے ہیں: مریم اورنگزیب


وفاقی وزیر اطلاعات نے کہا کہ دہشت گردی میں واضح کمی پاکستان کےعزم اورسچائی کی فتح ہے، پاکستان میں اقلیتیں محفوظ اور خواتین بااختیارہیں، نوجوانوں کی تعلیم،روزگار اور ہنر مند بنانا حکومت کی اولین ترجیح ہے۔

انکا مزید کہنا تھا کہ دہشتگردی کوشکست دےکرپاکستان نے اپنا مثبت تشخص اجاگر کیا، لوڈشیڈنگ ختم اورتوانائی کےبحران پرقابوپالیاگیاہے، انشااللہ جلد دنیا ترقی یافتہ اور خوشحال پاکستان کی تصویر دیکھے گی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں