راولپنڈی: وزیر مملکت برائے اطلاعات و نشریات مریم اورنگزیب نے کہا ہے کہ ہمارا مقابلہ اس لاڈلے سے ہے جو پارلیمنٹ پر حملہ کرتا ہے۔
ان خیالات کا اظہار انھوں نے راولپنڈی میں خطاب کرتے ہوئے کیا۔ ان کا کہنا تھا کہ عمران خان ستر ارب میں بھی میٹرو نہیں بناسکتے، آج ہر بڑے منصوبے پر نواز شریف کے نام کی مہر ہے۔
مریم اورنگزیب کا کہنا تھا کہ قائد نواز شریف،صدرشہباز شریف ہوں، تو کسی چیز کی ضرورت نہیں۔ ہمارے قائدپر 1990 سے الزامات لگتے آئے ہیں، مگر ان پر ایک روپے کی کرپشن بھی ثابت نہیں ہوئی۔
ایسے فیصلے نہیں آنے چاہییں، جن کے ثبوت بعد میں ڈھونڈنے پڑیں: مریم اورنگزیب
انھوں نے پی ٹی آئی کے چیئرمین پر تنقید کرتے ہوئے کہا کہ عمران خان 70 ارب خرچ کرنے کے باوجود میٹرو بنانے میں ناکام رہے۔ عمران خان نے دعویٰ کیا تھا اتنی بجلی بناؤں گا کہ پورے ملک کو دوں گا، مگر وہ اپنے دعوے سچ ثابت نہیں کرسکے۔
ماضی پررونے کے بجائےمستقبل پرتوجہ دینا ہوگی،مریم اورنگزیب
انھوں نے مزید کہا کہ ن لیگ کا مقابلہ ایسے لوگوں سے جو پارلیمنٹ پر حملے کرتے ہیں، ہر ترقیاتی منصوبے کا سنگ بنیاد میاں نواز شریف نے رکھا۔ اب نواز شریف نے جمہوریت کی جنگ کا علم اٹھا لیا ہے، مریم نواز کا سیاست میں تاریخی استقبال ہوگا۔
یاد رہے کہ گذشتہ روز لاہور کے علاقے ماڈل ٹاؤن میں چیئرمین راجا ظفرالحق کی زیرصدارت مسلم لیگ ن کی مرکزی مجلس عاملہ کا اجلاس ہوا، جس میں مسلم لیگ ن نے نا اہل سابق وزیراعظم نوازشریف کو پارٹی کا تاحیات قائد اور وزیراعلیٰ پنجاب شہبازشریف کو قائم مقام صدر منتخب کیا گیا۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔
