نامعلوم افرادکوجواب مل گیا نوازشریف کی قیادت میں ن لیگ متحد ہے، مریم اورنگزیب
The news is by your side.

Advertisement

نامعلوم افرادکوجواب مل گیا نوازشریف کی قیادت میں ن لیگ متحد ہے، مریم اورنگزیب

اسلام آباد : وفاقی وزیر اطلاعات مریم اورنگزیب کا کہنا ہے کہ ن لیگ کے خلاف افواہیں ختم ہوگئیں، پارلیمنٹ نے نامعلوم افراد کو جواب دے دیا، نوازشریف کی قیادت میں ن لیگ متحد ہے۔

تفصیلات کے مطابق شریف خاندان کی احتساب عدالت میں پیشی کے موقع پر وفاقی وزیر اطلاعات مریم اورنگزیب نے میڈیا سے گفتگو کرتے ہوئے کہ پہلے کہتے تھے پیش نہیں ہورہے،اب پوچھتے ہیں کیوں آرہےہیں،نوازشریف نےقوم سےوعدہ کیاہے۔

مریم اورنگزیب کا کہنا تھا کہ نوازشریف پراقامے کا کیس بنایا، کرپشن کا کوئی ریفرنس نہیں، نوازشریف کے خلاف کوئی ثبوت نہیں مل سکا۔

وزیر مملکت نے کہا کہ نوازشریف جھوٹے الزامات پر بھی عدالت میں پیش ہورہےہیں، نوازشریف آئین وقانون کی پاسداری کرتے ہوئے پیش ہورہے ہیں۔

انھوں نے مزید کہا کہ ن لیگ کےخلاف افواہیں ختم ہوگئیں، پارلیمنٹ نے نامعلوم افراد کو جواب دے دیا، نوازشریف کی قیادت میں ن لیگ متحد ہے۔


مزید پڑھیں :  انصاف ہوتانظرنہ آئےتو سوال اٹھتاہے، مریم اورنگزیب


یاد رہے گذشتہ پیشی پر مریم اورنگزیب کا کہنا تھا کہ انصاف ہوتانظرنہ آئےتو سوال اٹھتاہے، ٹرائل میں اتنی عجلت کیوں کی جارہی ہے۔

اس سے قبل مریم اورنگزیب کا کہنا تھا کہ نوازشریف قانون کی پاسداری کرتے ہوئےعدالت میں بیٹھے، جن لوگوں نےاداروں پرحملہ کیا اور تضحیک کی وہ آزاد ہیں، جن لوگوں نے پاکستان کے آئین کو پامال کیا وہ آزاد ہیں۔

انکا کہنا تھا کہ اقامہ پر آنے والے فیصلے کو عوام نے آج تک نہیں مانا،عوام اپنا فیصلہ دوہزار اٹھارہ میں دینگے کہ چوتھی بار وزیراعظم کون بنے گا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں