لاہور (23 نومبر 2025): پنجاب کی سینئر وزیر مریم اورنگزیب نے این اے 129 میں پی ٹی آئی کے خالی کیمپ کی فوٹیج شیئر کر دی۔
مریم اورنگزیب نے این اے 129 میں ضمنی الیکشن سے متعلق سوشل میڈیا پلیٹ فارم ایکس پر ٹوئٹ کیا، انہوں نے حلقے میں پی ٹی آئی کے خالی کیمپ کی ویڈیو جاری کی جبکہ مسلم لیگ (ن) کے کیمپ کی گھما گھمی کا منظر بھی دکھایا۔
یہ بھی پڑھیں: ضمنی انتخابات، قومی اور صوبائی حلقوں میں پولنگ جاری
انہوں نے لکھا کہ ماضی کی انتظامی تباہی، ہر شعبے میں بربادی اور کرپشن سب کے سامنے ہے، موجودہ حکومت کی کارکردگی اور خدمت کا فرق ان دو تصویرں سے واضح ہے۔
ماضی کی انتظامی تباہی، کرپشن، ہر شعبے میں تاریخی بربادی اور حال کی حکومتی کارکردگی، خدمت اور قیادت کی انتظامی صلاحیت کا فرق، ان دو تصویروں سے واضح ہے۔ عوام سے بہتر کوئی نہیں جانتا کہ کس کا کیا سیاسی اعمال نامہ ہے، عوامی عدالت کا فیصلہ بھی واضح ہے الحمدللہ pic.twitter.com/wIJQrDZbca
— Marriyum Aurangzeb (@Marriyum_A) November 23, 2025
مریم اورنگزیب نے مزید لکھا کہ قوم جانتی ہے کس کا کیا سیاسی اعمال نامہ ہے عوامی عدالت کا فیصلہ بھی واضح ہے۔
