The news is by your side.

Advertisement

ہمارے شہداء نے اپنے لہو سے امن کے دیئے جلائے، مریم اورنگزیب

اسلام آباد : وزیرمملکت برائے اطلاعات ونشریات مریم اورنگزیب کا کہنا ہے کہ کرکٹ کی بحالی میں نجم سیٹھی اور پی سی بی نے گرانقدر کرداد ادا کیا ، ہمارے شہدانے اپنے لہوسے امن کے دیئے جلائے۔

تفصیلات کے مطابق وزیرمملکت برائے اطلاعات ونشریات مریم اورنگزیب نے پی ایس ایل کے میچ کے حوالے سے کہا کہ لاہور کی میزبانی کھلاڑیوں کے دلوں میں ہمیشہ زندہ رہے گی، ہمارے شہدا نے اپنے لہو سے امن کے دیئے جلائے۔

مریم اورنگزیب کا کہنا تھا کہ حکومتی پالیسیوں ،دانشمندانہ فیصلوں سےملک ترقی کی راہ پرگامزن ہوا، کرکٹ کی بحالی میں نجم سیٹھی اور پی سی بی نے گرانقدر کرداد اداکیا۔

وزیر مملکت نے کہا کہ صوبائی تعاون ،افواج پاکستان کی قربانیوں سےدہشتگردی مٹ رہی ہے، مسلم لیگ ن نے منشور میں کئے گئے تمام وعدے پورے کئے، میچزکے لئے بہترین سیکیورٹی پرحکومت پنجاب کوخراج تحسین پیش کرتے ہیں۔


مزید پڑھیں : پی ایس ایل میچ میں جوش وخروش پاکستانی عوام کے امن پسند ہونے کا ثبوت ہے، شہبازشریف


اس سے قبل وزیراعلیٰ پنجاب شہباز شریف کا کہنا تھا کہ کھلاڑیوں نے پرامن اور شاندار ماحول میں شاندارکارکردگی دکھائی ، پی ایس ایل میں شائقین کرکٹ نے ٹیموں کی بھرپورحوصلہ افزائی کی۔

شہباز شریف کا کہنا تھا کہ زندہ دلان لاہورکے جوش وخروش نے پی ایس ایل کی میزبانی کا حق ادا کردیا، میچ میں جوش وخروش ثبوت ہے کہ پاکستانی عوام امن پسند ہیں، میچ کا انعقاد پُرامن پاکستان کی جیت اوردشمنوں کی شکست ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں