برلن: جرمنی کے سابق سفیر مارٹن کوبلر اپنے ملک میں بھی پاکستان کی یادوں کو زندہ رکھے ہوئے ہیں اور وہ اب بھی پاکستان کا مثبت چہرہ دنیا کے سامنے اجاگر کررہے ہیں۔
تفصیلات کے مطابق مارٹن کوبلر نےدو سال تک پاکستان کے وفاقی دارالحکومت میں بطور سفیر اپنی پیشہ وارانہ ذمہ داریاں انجام دیں، زندہ دل سفیر اس دوران پاکستان کے رنگوں میں رنگ گئے تھے۔
سابق سفیر اب بھی پاکستان کے سحر میں مبتلا ہیں اور وہ اپنے ساتھ لے جانے والی ٹرک آرٹ سائیکل سڑکوں پر چلاتے ہیں۔ مارٹن کوبلر نے سماجی رابطے کی ویب سائٹ پر 14 جولائی کو ایک ٹویٹ کیا جس میں انہوں نے ٹرک آرٹ سے بنی سائیکل کی تصاویر شیئر کیں۔
Remember my Truck Art bike? Went to the historic city of #Stralsund. Many asking everywhere: "where is this bike from ?” "Its from #Pakistan ” i answer proudly!!! pic.twitter.com/FAxMDsWdB3
— Martin Kobler (@MartinKobler3) July 14, 2019
انہوں نے لکھا کہ ’’آپ کو میری ٹرک آرٹ بائیک یاد ہے؟ میں اس پر تاریخی شہر گیا جہاں پر بہت سارے لوگوں نے پوچھا کہ میں نے یہ سائیکل کہاں سے خریدی‘‘۔ مارٹن کوبلر نے بتایا کہ میں نے لوگوں کو فخر سے بتایا کہ سائیکل پاکستان سے لایا ہوں۔
مزید پڑھیں: ’’مارٹن کوبلر، آپ ہمیں بہت یاد آئیں گے، دل رو رہا ہے‘‘
مارٹن کوبلر نے اب سے کچھ دیر قبل سائیکل کی مزید تصاویر شیئر کرتے ہوئے اس پر آرٹ بنانے والے پاکستانی شہری حاجی پرویز کو سراہا اور بتایا کہ جرمنی میں سب اس آرٹ کے بارے میں پوچھ رہے ہیں۔
It seems you liked the story of my truck art bicycle from #Pakistan, today riding it on a small island in the #balticsea, talk of the island, told her story many times here! Maybe we should give her a name? Thanks #hajjipervez for the artistic painting. The #germans love it!!! pic.twitter.com/jJHGNRSTSp
— Martin Kobler (@MartinKobler3) July 17, 2019
یاد رہے مارٹن کوبلر نے دس اگست دوہزار سترہ کو بطور سفیرپاکستان میں پیشہ وارانہ ذمہ داریاں سنبھالیں اور پاکستان کے رنگ میں رنگ گئے، مارٹن کوبلر نے پاکستانی کھانوں سے لیکر ثقافت، سیاحت اور اردو زبان کو خوب فروغ دیا، کبھی چنچی رکشہ چلایا تو کبھی سائیکل لیکن ان کی پسندیدہ سواری محبوبہ فوکسی تھی۔
یہ بھی پڑھیں: پاکستان ہمیشہ میرے دل میں رہے گا، جرمن سفیر مارٹن کوبلر پاکستان سے روانہ
خیال رہے مارٹن کوبلر سفارت کاری کے شعبے میں منجھی ہوئی شخصیت مانے جاتے تھے انہوں نے کئی ممالک میں بطور سفارت کار امور انجام دیے اور وہ اقوام متحدہ کے خصوصی مشنز کے لیے بھی خدمات انجام دے چکے ہیں۔
