The news is by your side.

Advertisement

شہید لیفٹیننٹ آغا مقدس علی سمیت پاک فوج کے جوان مکمل فوجی اعزاز کیساتھ سپرد خاک

لاہور : شمالی وزیرستان کے علاقے دتہ خیل میں دہشت گردوں سے لڑتے ہوئے جام شہادت نوش کرنےوالے لیفٹیننٹ آغا مقدس علی سمیت پاک فوج کے جوانوں کو مکمل فوجی اعزاز کیساتھ سپردخاک کردیا گیا۔

تفصیلات کے مطابق لاہورمیں 26 سالہ شہید لیفٹیننٹ مقدس علی خان شہید کی نماز جنازہ گول باغ گراونڈ شادباغ میں ادا کی گئی، جس میں فوجی اور سول افسران کے علاوہ اہل علاقہ کی بڑی تعداد نے شرکت کی۔

جس کے بعد شہید لیفٹیننٹ مقدس علی خان شہید کو لاہور میں مکمل فوجی اعزاز کے ساتھ سپرد خاک کردیا گیا، شہید کی قبر پر صدر مملکت، جوائنٹ چیفس آف اسٹاف کمیٹی، چیف آف آرمی اسٹاف کی جانب سے پھولوں کی چادر چڑھائی گئی۔

حولدار قمر ندیم کا پرچم میں لپٹاجسدخاکی چوک اعظم کے آبائی علاقے دھوری اڈہ پہنچا توعلاقہ نعرہ تکبیر سےگونج اٹھا، شہید نوجوان کی نماز جنازہ آبائی علاقہ میں ادا کی گئی اور مکمل فوجی اعزازکے ساتھ شہید کی تدفین ہوئی، نماز جنازہ میں پاک فوج کےافسران سمیت ضلعی انتظامیہ اور شہریوں نے شرکت کی۔

نارووال کے شہید سپاہی محمد توصیف کو پاک آرمی کے چاق و چوبند دستے نے سلامی دی، جنازےمیں پاک فوج کے افسران سمیت مسلم لیگ ن کےرہنمااحسن اقبال اور خواجہ محمد وسیم بٹ نےشرکت کی۔

شہادت نوش کرنےوالے ایک اور سپاہی قاسم کی نمازجنازہ لیہ کےعلاقےاعجازآبادمیں اداہوئی، نماز جنازہ میں بریگیڈیئر محمد حمایت سمیت فوج کے افسران نے شرکت کی۔

یاد رہے پاک دھرتی کےدلیرسپوتوں نےدتہ خیل میں دہشت گردوں کیخلاف لڑتے ہوئےجام شہادت نوش کیا تھا ، آپریشن میں سات دہشت گرد بھی مارےگئے تھے۔

fb-share-icon0
Tweet 20

Comments

comments

یہ بھی پڑھیں