The news is by your side.

Advertisement

مستونگ حملے میں شہید سراج رئیسانی کی 23 مارچ کی یادگار ویڈیو سامنے آگئی

کوئٹہ: مستونگ حملے میں شہید ہونے والے سراج رئیسانی کی 23 مارچ کی یادگار ویڈیو سامنے آگئی ہے، سراج رئیسانی نے کہا کہ پاکستان کے لیے کسی بھی قربانی سے گریز نہیں کریں گے۔

تفصیلات کے مطابق سراج رئیسانی وطن کی محبت کا دم بھرتے ہوئے شہید ہوئے، سراج رئیسانی کی 23 مارچ کی یادگار ویڈیو سامنے آئی ہے جس میں انہوں نے کہا کہ پاکستان کے لیے کسی بھی قربانی سے گریز نہیں کریں گے۔

سراج رئیسانی نے ہمیشہ پاکستان کے پرچم کو سینے سے لگا کر رکھا، بھارتی پرچم کو پیروں کی دھول تصور کیا، سراج رئیسانی کہتے تھے دشمن جان لے سکتے ہیں دل سے پاکستان کی محبت نہیں نکال سکتے۔

واضح رہے کہ شہید سراج رئیسانی بلوچستان اسمبلی کے حلقہ پی بی 35 میں اپنے بھائی سابق وزیر اعلیٰ بلوچستان نوابزادہ اسلم رئیسانی کے مقابلے میں امیدوار تھے۔

اس حلقے سے گزشتہ الیکشن میں نواب محمد شہوانی رکن بلوچستان اسمبلی منتخب ہوئے تھے جو اب اس علاقے سے قومی اسمبلی کے لیے الیکشن لڑ رہے ہیں، سراج رئیسانی بلوچستان عوامی پارٹی کے امیدوار تھے جن کا انتخابی نشان گائے تھا۔

یاد رہے کہ الیکشن کمیشن نے پی بی 35 بلوچستان میں انتخاب ملتوی کردیے، اس حلقے میں عام انتخابات کے بعد ضمنی الیکشن ہوں گے۔

مزید پڑھیں: مستونگ دھماکا: سراج رئیسانی سمیت 128 افراد شہید، متعدد کی حالت تشویشناک

خیال رہے کہ صوبہ بلوچستان کے ضلع مستونگ میں بلوچستان عوامی پارٹی کی کارنر مٹینگ میں دھماکا ہوا جس کے نتیجے میں اب تک 128 افراد شہید ہوگئے جبکہ 122 زخمی ہیں جن میں سے متعدد کی حالت تشویشناک ہے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک’پہنچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں