لاہور : مریم نواز نے مینار پاکستان جلسے کی ناکامی کا ذمہ دار ن لیگی رہنماؤں کو قرار دے دیا، کام نہ کرنے والوں کی تلاش شروع کردی۔
تفصیلات کے مطابق پاکستان مسلم لیگ نواز کی مرکزی نائب صدر گریٹر اقبال میں ہونے والے جلسے کی ناکامی پر مریم نواز پارٹی پارٹی رہنماؤں سے ناراض ہوگئیں۔
ذرائع کے مطابق مریم نواز کی جلسے کو کامیاب بنانے کےلیے گلی گلی جاکر چلائی جانے والی بھرپور مہم بھی کام نہ آئی۔
ذرائع کا کہنا ہے کہ مریم نواز نے ان افراد کی تلاش شروع کردی ہے جنہوں نے جلسے کو کامیاب بنانے کےلیے کام نہیں کیا۔
ذرائع کے مطابق مریم نواز کو لگتا ہے پارٹی کے چند لوگوں نے جلسہ کامیاب بنانے کی کوشش نہیں کی، مریم نواز کو لگتا ہے پارٹی کے کچھ لوگ انہیں کامیاب ہوتا دیکھنا نہیں چاہتے۔
خیال رہے کہ گزشتہ روز لاہور کے تاریخی مقام مینار پاکستان پر پاکستان ڈیموکریٹک موؤمنٹ کی جانب سے حکومت مخالف جلسہ کیا گیا تھا جس کی میزبانی ن لیگ کے ذمہ تھی، جلسے کے انعقاد میں گیارہ جماعتیں شامل تھیں لیکن شرکت چند ہزار لوگوں نے گی، زندہ دلان لاہور نے پی ڈی ایم کے بیانیے اور قیادت دونوں کو مسترد کردیا ہے۔
