The news is by your side.

Advertisement

پی ٹی وی پرحملہ کرنے والے کواستثنی مل گیا اور نواز شریف کو اہلیہ سے ملنے کیلئے استثنی نہیں ملتا،مریم اورنگزیب

اسلام آباد : وزیر مملکت برائے اطلاعات و نشریات مریم اورنگزیب کا کہنا ہے کہ پی ٹی وی پرحملہ کرنے والے کواستثنی مل جاتا ہے اور نواز شریف  کو اہلیہ سے ملنے کیلئے استثنیٰ نہیں ملتا۔

تفصیلات کے مطابق وزیر مملکت برائے اطلاعات و نشریات مریم اورنگزیب نے میڈیا سے گفتگو کرتے ہوئے کہا کہ پی ٹی وی پرحملہ کرنے والے کواستثنی مل جاتا ہے، دن میں 2،2 بار پیش ہونیوالے کو اہلیہ سے ملنے کیلئے استثنیٰ نہیں ملتا، ایسے قانون کے دہرے معیار پر سوال اٹھتے ہیں۔

مریم اورنگزیب کا کہنا تھا کہ عمران خان اکثر مفرور ہی رہے ہیں بار بار بلانے پرمشکل سے آئے، عمران خان کی حاضری سے استثنیٰ کی درخواست پہلی بار آئی ہے، عمران خان اکثر مفرور ہی رہے ہیں بار بار بلانے پرمشکل سے آئے۔

وزیر مملکت نے کہا کہ ایسے فیصلے دینے والوں پربھی سوال اٹھتے ہیں، جس نے پیسے بچاکر منصوبےپایہ تکمیل تک پہنچائے اس پرتنقید ہوتی ہے، جہاں احتساب کمیشن کوتالے لگے وہاں کون دیکھے گا اور پوچھے گا؟


مزید پڑھیں :  ایسے فیصلے نہیں آنے چاہییں، جن کے ثبوت بعد میں‌ ڈھونڈنے پڑیں: مریم اورنگزیب


انکا مزید کہنا تھا کہ پنجاب حکومت کے پاس تمام منصوبوں پر خرچ پیسے کا ثبوت ہے، کرپشن ثابت ہوگی تو قانون کے مطابق اقدامات کریں ، احدچیمہ کی کارکردگی عمران خان بھی جانتےہیں، پارٹی صدارت کیلئے شہبازشریف بہترین ہیں۔

وفاقی وزیرمریم اورنگزیب کی حریفوں پرتنقید کرتے ہوئے کہا کہ پیپلز پارٹی مضحکہ خیز باتیں کر رہی ہے، پچھلےدورمیں زرداری صاحب اورپیپلز پارٹی کی کرپشن کےکاغذات آج تک سامنے نہیں آئے۔

سینٹ انتخابات کے حوالے سے انکا کہنا تھا کہ سینیٹ انتخابات میں بھی ایک ہی پارٹی کونقصان پہنچایاجارہاہے، پارٹی توڑنے،سینیٹ الیکشن سےباہرکرنےکی کوششیں ناکام ہوئی، پارٹی متحدہےاورکوئی باہرنہیں گیا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Print Friendly, PDF & Email

Comments

comments

یہ بھی پڑھیں