The news is by your side.

Advertisement

ہماری جماعت کو عادی لوٹوں کی ضرورت نہیں، مریم اورنگزیب

اسلام آباد: وزیر مملکت برائے اطلاعات مریم اورنگزیب نے کہا ہے کہ ہماری جماعت کو عادی لوٹوں کی ضرورت نہیں ہے، چند عادی لوٹے ہوا کے رخ پر اپنی وفاداری تبدیل کرتے ہیں۔

ان خیالات کا اظہار انہوں نے میڈیا سے گفتگو کرتے ہوئے کیا، مریم اورنگزیب نے کہا کہ پارٹی چھوڑنے والوں کا ن لیگ سے کوئی تعلق تھا ہی نہیں اور نہ ہی ن لیگ کو ان عادی لوٹوں کی ضرورت ہے، یہ جاننا ہوگا کہ ان عادی لوٹوں کو کون خواب دکھا رہا ہے۔

مریم اورنگزیب نے کہا کہ وفاداریاں بدلنے والے اپنی عادت سے مجبور ہیں، آج ان عادی لوٹوں کی لوٹ سیل لگی جو ہوا کا رخ دیکھ کر اپنی وفاداری تبدیل کرتے ہیں، ان لوگوں کو اپنے مفادات کے سوا کسی سے غرض نہیں۔

وزیر مملکت برائے اطلاعات نے کہا کہ جنوبی پنجاب کا نعرہ لگانے والوں نے ساڑھے چار سال تک ایسی کوئی آواز نہیں اٹھائی، ان لوگوں نے ترقیاتی فنڈز لینے کے باوجود اپنے حلقوں میں کوئی کام نہیں کیا ہے۔

مریم اورنگزیب نے کہا کہ وزیر اعلیٰ پنجاب شہباز شریف کا جنوبی پنجاب میں کام سب سے بہتر ہے اور پاکستان میں نواز شریف کا کام دکھائی دے گا، نواز شریف ووٹ کے تقدس اور عزت کی جنگ لڑ رہے ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں