The news is by your side.

Advertisement

اقامہ پر آنےوالے فیصلے کو عوام نے آج تک نہیں مانا ،مریم اورنگزیب

اسلام آباد : وفاقی وزیر اطلاعات مریم اورنگزیب نے کہا کہ اقامہ پر آنےوالے فیصلے کو عوام نے آج تک نہیں مانا، عوام فیصلہ کرے گی چوتھی بار وزیراعظم کون بنے گا۔

تفصیلات کے مطابق وفاقی وزیر اطلاعات مریم اورنگزیب نے احتساب عدالت میں نواز شریف کی پیشی کے موقع پر میڈیا سے گفتگو کرتے ہوئے کہا کہ نوازشریف قانون کی پاسداری کرتے ہوئےعدالت میں بیٹھے، جن لوگوں نےاداروں پرحملہ کیااورتضحیک کی وہ آزادہیں، جن لوگوں نے پاکستان کے آئین کو پامال کیا وہ آزاد ہیں۔

مریم اورنگزیب کا کہنا تھا کہ نوازشریف 3بار پاکستان کے وزیراعظم منتخب ہوئے، نوازشریف نےپاکستان کو اٹیمی قوت بنایا، پارلیمنٹ اور عدلیہ پر حملہ کرنے والوں کو کوئی نہیں پوچھتا۔

نواز شریف کی نااہلی کے فیصلے سے متعلق وفاقی وزیر اطلاعات نے کہا کہ اقامہ پر آنے والے فیصلے کو عوام نے آج تک نہیں مانا، تفصیلی فیصلہ دوسرے بینچ کو دینا چا ہیئے تھا۔

انکا مزید کہنا تھا کہ عوام اور تاریخ فیصلہ کریگی کہ پاکستان کے حق میں کونسے فیصلے تھے، عوام اپنا فیصلہ دوہزار اٹھارہ میں دینگے کہ چوتھی بار وزیراعظم کون بنے گا۔


مزید پڑھیں : نوازشریف کو عوام کی خدمت کی سزا مل رہی ہے، مریم اورنگزیب


گذشتہ روز مریم اورنگزیب کا کہنا تھا کہ عدالتوں سے بھاگنے کا تاثر دیا جا رہا تھا، جھوٹے الزامات کے باوجود پیش ہو رہے ہیں، نواز شریف پر کرپشن ثابت نہیں ہوئی، اقامہ پر نکال دیا گیا۔

اس سے قبل وزیرمملکت برائے اطلاعات ونشریات مریم اورنگزیب کا کہنا تھا کہ دل میں چورہوتا تو نوازشریف سپریم کورٹ کو پاناما کیس کے لیے خط نہ لکھتے، سابق وزیراعظم نوازشریف ملک کا اثاثہ ہیں۔

ان کا کہنا تھا کہ جھوٹے الزامات کے باوجود شریف خاندان عدالت میں پیش ہوا، سسلین مافیا اورگاڈ فادر کہنے پر نوازشریف نےصبر وتحمل کا مظاہرہ کیا، نوازشریف کو عوام کی خدمت کی سزا مل رہی ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں