The news is by your side.

Advertisement

ہر پاکستانی آزادی کشمیر کا وکیل ہے،مریم اورنگزیب

اسلام آباد : وزیر اطلاعات مریم اورنگزیب کا کہنا ہے کہ ہر پاکستانی آزادی کشمیر کا وکیل ہے، بہادرکشمیریوں کی قربانیوں کوسلام پیش کرتے ہیں۔

تفصیلات کے مطابق وزیر اطلاعات مریم اورنگزیب نے یوم سیاہ پر بھارتی مظالم کی مذمت کرتے ہوئے اہل کشمیرسے اظہار یکجہتی کیا اور کہا کہ پاکستان کشمیریوں کی سیاسی،سفارتی حمایت جاری رکھےگا، آج کا دن کشمیر پر بھارتی قبضے کا سیاہ دن ہے۔

مریم اورنگزیب کا کہنا تھا کہ بھارتی فوج کی وادی میں موجودگی عالمی اداروں کیلئےچیلنج ہے، بہادرکشمیریوں کی قربانیوں کوسلام پیش کرتے ہیں۔

انھوں نے کہا کہ کشمیریوں سے کیےگئےوعدے کب پورے ہوں گے؟ کشمیر کی آزادی تقسیم ہند کا نامکمل ایجنڈا ہے، ہر پاکستانی آزادی کشمیر کا وکیل ہے۔


مزید پڑھیں : کشمیر پربھارتی تسلط کے70 سال مکمل،عوام یوم سیاہ منا رہےہیں


وزیر اطلاعات کا مزید کہنا تھا کہ مسئلہ کشمیرکےحل تک خطے میں پائیدار امن خواب رہے گا، وقت دورنہیں جب کشمیر میں آزادی کا سورج طلوع ہوگا۔

یاد رہے کہ کشمیر پربھارتی تسلط کے70 سال مکمل ہونے پر دنیا بھر میں کشمیری یوم سیاہ منا رہے ہیں، آج کے دن کشمیرکےڈوگرہ راجا نےعوامی رائے اورتقسیم ہند کے فارمولے کے برخلاف ایک معاہدے کے تحت بھارت میں شمولیت اختیار کی تھی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں