The news is by your side.

Advertisement

پاک فوج کی کاوشوں سے دہشت گردی کے واقعات میں کمی آئی ہے، مریم اورنگزیب

اسلام آباد : وزیر مملکت برائے اطلاعات و نشریات نے کہا کہ پاک فوج کے کامیاب آپریشن کے باعث دہشت گردی کے واقعات میں نمایاں کمی واقع ہوئی ہے اور پنجاب میں تازہ کامیاب کارروائیوں نے صوبے کو دہشت گردی کے بڑے واقعے سے محفوظ رکھا۔

وہ اسلام آباد میں میڈیا سے گفتگو کر رہی تھیں انہوں نے کہا کہ عالمی ادارے 2013 میں پاکستان کے دیوالیہ ہونےکی بات کر رہے تھے لیکن اب سی پیک جیسے کامیاب منصوبے کے باعث ملک ترقی کی شاہراہ پر تیز رفتاری سے دوڑ رہا ہے جس کا اعتراف عالمی سطح پر بھی کیا جا رہا ہے۔

انہوں نے کہا کہ روشن پاکستان مسلم لیگ (ن) کا خواب ہے اور انتخابی منشور بھی تھا اس لیے وعدہ کا پاس کرتے ہوئے لوڈ شیڈنگ کا خاتمہ کریں گے جس کے لیے توانائی منصوبوں پرتیزی سے کام جاری ہے جب کہ صنعتوں کو اب بھی بلاتعطل بجلی فراہم کی جارہی ہے۔

وزیر مملکت نے کہا کہ سی پیک سے پورے خطے میں خوشحالی آئے گی جس کے ذریعے 65 ملکوں کوبراہ راست فائدہ حاصل ہوگا اور سی پیک پورے خطے کے لیے گیم چینجرثابت ہوگا جس کے باعث بیرون ملک سے بھی سرمایہ کار آج پاکستان کارخ کررہے ہیں۔

انہوں نے کہا کہ وزیراعظم نوازشریف پچھلی تین نسلوں کاجواب دے رہے ہیں جب کہ پاناما کیس کے فیصلے کا انتظار وہ کر رہے ہیں جو اس پرسیاست کر رہے ہیں جب کہ پاناما کیس پر صرف سیاست کی جارہی ہے پاناما کیس کا فیصلہ قانون کےمطابق آئے گا اور مسلم لیگ (ن) پاناماکیس کا فیصلہ قبول کرے گی۔

وزیرِ مملکت مریم اورنگزیب نے وفاقی حکومتوں کی کارکردگی کا ذکر کرتے ہوئے کہا کہ صحافیوں کی فلاح وبہبود کے لیے قانون سازی کرنے جارہے ہیں اسی طرح وزیراعظم نے پاکستان کےعوام کے لیے ہیلتھ کیئر پروگرام شروع کیا جو کہ جنوبی ایشیا کا سب سے بڑا پروگرام ہے جب کہ ہماری حکومت نے ہی حکومت نےاسلام آباد میں تعلیمی اصلاحات پروگرام متعارف کرایا ہے۔

Print Friendly, PDF & Email

Comments

comments

یہ بھی پڑھیں