اسلام آباد : وزیر مملکت برائے اطلاعات و نشریات مریم اورنگزیب نے کہا ہے کہ عمران خان نے دھرنے اور سازش کی سیاست کی ہے جب کہ مسلم لیگ (ن) نے خدمت کی سیاست سے عوام دل جیتے.
عمران خان کے خطاب پر رد عمل دیتے ہوئے وزیر مملکت کا کہنا تھا کہ عمران خان خود عدالتوں کے سامنے پیش ہوں پھر دوسروں پر تنقید کریں وہ اشتہاری ملزم ہیں.
انہوں نے کہا کہ نواز شریف اپنے اہل خانہ سمیت عدالتوں کا سامنا کیا اور اپنی بیمار بیوی کو چھوڑ کر وہ وطن واپس لوٹے اور احتساب عدالت کا سامنا کیا کیوں وہ ایک قانون پسند شہری ہیں.
مریم اورنگزیب نے کہا کہ نواز شریف نے کوئی غلط کام نہیں کیااس لیہے عدالت میں پیش ہونے پر انہیں کوئی خوف نہیں لیکن جن لوگوں کے دامن صاف نہیں وہ حیلے بہانے کر رہے ہیں اور اشتہاری ہونے کے باوجود عدالت نہیں جا رہے.
وزیر مملکت نے کہا کہ 2018 میں عوام عمران خان سے ان کے دھرنوں اور سازشوں کا حساب لیں گے اور سب دیکھیں گے کہ 2018 میں خیبر پختونخواہ میں بھی مسلم لیگ (ن) کی حکومت ہو گی اور عمران خان کو کہیں منہ چھپانے کے لیے بھی جگہ نہیں ملے گی۔
