The news is by your side.

Advertisement

نوازشریف کی قیادت میں ٹھوس اقدامات سے امن قائم ہوا، مریم اورنگزیب

اسلام آباد : وزیرمملکت برائے اطلاعات و نشریات مریم اورنگزیب نے کہا ہے کہ جمہوری اداروں کے استحکام کے ثمرات حوصلہ افزا ہیں 2013 کے مقابلے میں آج صورت حال بہت بہتر ہے۔

مریم اورنگزیب نے میڈیا سے گفتگو کرتے ہوئے کہا کہ نواز شریف کی قیادت میں کیے گئے ٹھوس اقدامات سے ملک میں امن قائم ہوا ہے اور 4 سال کے مسلم لیگ (ن) کے دور حکوت میں 4 سال میں 88 فیصد دہشت گردی کم ہوئی ہے۔

وزیر مملکت کا کہنا تھا کہ ملک میں صنعتی ترقی پائیدار امن کے مرہون منت ہوتی ہے جس کے لیے وفاق اور صوبوں نے مل کر دہشت گردی کا مقابلہ کیا اور موجودہ حکومت نے 55 سال سے رکے ہوئے ترقیاتی منصوبے تیزی سے مکمل کیے۔

انہوں نے مزید کہا کہ لواری ٹنل اور کوسٹل پراجیکٹ حکومت کی ترقیاتی اسکیموں کی عملی مثال ہیں چنانچہ عوام 2018 میں فیصلہ کریں گے کہ کس نے کتنی خدمت کی ہے اور کون ووٹ کا حق دار ہے۔

مریم اورنگزیب نے کہا کہ سیاست دانوں کو بدنام کیا جاتا ہے لیکن ہماری حکومت نے کام کر کے دکھایا اور ثابت کردیا کہ جمہوری نظام کا تسلسل ہی ملک کی مضبوطی کی ضمانت ہے۔

انہوں نے کہا کہ پاکستان نے دہشت گردی کے خلاف جنگ میں 70 ہزار جانیں قربان کیں جس کے باعث آج ملک ترقی کی راہ پر گامزن ہے،  خدا کرے ملک میں جمہوریت پھلتی پھولتی رہے اور ترقی کا یہ سفر جاری و ساری رہے۔

 

Print Friendly, PDF & Email

Comments

comments

یہ بھی پڑھیں