پی آئی ڈی میں صرف سرکاری حکام اور وزراء پریس کانفرنس کر سکتے ہیں، مریم اورنگزیب maryam-aurangzeb
The news is by your side.

Advertisement

پی آئی ڈی میں صرف سرکاری حکام اور وزراء پریس کانفرنس کر سکتے ہیں، مریم اورنگزیب

اسلام آباد : وزیر مملکت برائے اطلاعات و نشریات مریم اورنگزیب نے کہا ہے کہ پریس انفارمیشن ڈیپارٹمنٹ کے آئین اور قانون کے مطابق یہاں صرف گورنمنٹ آفیشلز اور وزراء کو پریس کانفرنس کی اجازت ہے۔

وہ تحریک انصاف کے رہنماؤں کو پی آئی ڈی میں پریس کانفرنس کی اجازت نہ ملنے پر ردعمل دے رہی تھیں انہوں نے کہا کہ اگر تحریک انصاف کے رہنماء پی آئی ڈی میں پریس کانفرنس کرنا چاہتے ہیں تو وہ میرے ساتھ بیٹھ کر پریس کانفرنس کریں انہیں اجازت مل جائے گی۔

وزیر مملکت برائے اطلاعات مریم اورنگزیب نے کہا کہ پی آئی ڈی کے قوانین اور پریس کانفرنس کی اجازت کے حوالے سے حکومت نے تحریک انصاف کی قیادت کو خط کے ذریعے مطلع کر دیا تھا اس لیے تحریک انصاف کو بھی قوانین کی پاسداری کرنی چاہئے،

انہوں نے کہا کہ تحریک انصاف سستی شہرت کے لیے روزانہ نئے ڈرامے کرتی ہے اور اونچی آواز میں بات کرکے اور گالیاں دے کر اداروں کو دباﺅ میں لانے کی کوشش کرتی ہے جو کامیاب نہیں ہو گی۔

مریم اورنگزیب کا مزید کہنا تھا کہ تحریک انصاف نے آج بھی پریس کانفرنس کی اجازت کے لئے محض 15 منٹ پہلے اجازات طلب کی جس پر انہیں آگاہ کردیا گیا تھا کہ ابھی طارق فضل چوہدری پریس کانفرنس کر رہے ہیں جب کہ پی آئی ڈی میں ہر ایک کو پریس کانفرنس کی اجازت نہیں لیکن تحریک انصاف کو قوانین کی خلاف ورزی کی عادت پڑ گئی ہے۔

Comments

comments

یہ بھی پڑھیں