نوازشریف کےساتھ کھڑا نہ ہونے والا اپنا سیاسی کیریئرتباہ کرے گا‘ مریم اورنگزیب -
The news is by your side.

Advertisement

نوازشریف کےساتھ کھڑا نہ ہونے والا اپنا سیاسی کیریئرتباہ کرے گا‘ مریم اورنگزیب

اسلام آباد: وزیرمملکت برائے اطلاعات ونشریات مریم اورنگزیب کا کہنا ہے کہ جس کے ساتھ عوام اور اللہ کی طاقت ہو وہ جس الیکشن میں حصہ لے وہ جیتے گا۔

تفصیلات کے مطابق اسلام اباد میں وزیرمملکت مریم اورنگزیب نے میڈیا سے گفتگو کرتے ہوئے کہا کہ دو سال میں کرپشن کا ایک کیس بھی ثابت ہوا، ن لیگ کو باہرنکال دیا جاتا ہے، نوازشریف کوصدارت سے ہٹا دیا جاتا ہے۔

وزیرمملکت برائے اطلاعات ونشریات نے کہا کہ الزام لگایا جاتا ہے کہ نوازشریف نے بیٹے کی کمپنی سے تنخواہ نہیں لی، نوازشریف کو اقامہ پرہٹایا گیا،اس کے سوا کوئی الزام ثابت نہیں ہوا۔

مریم اورنگزیب نے کہا کہ جوالیکشن پاکستان میں ہوگا اس میں نوازشریف جیتیں گے، پاکستان کے عوام نوازشریف کے ساتھ ہیں، سینیٹ کے الیکشن میں بھی مسلم لیگ ن ہی جیتے گی۔

انہوں نے کہا کہ نوازشریف کے ساتھ کھڑا نہ ہونے والا اپنا سیاسی کیریئرتباہ کرے گا، نوازشریف کوجس جس نے چھوڑا اسے آج تک شرمندگی اٹھانی پڑرہی ہے، تاریخ انہیں ان الفاظ میں یاد کرتی ہے جن پرہمیں بھی شرمندگی ہوتی ہے۔

مریم اورنگزیب نے کہا کہ نوازشریف جہاں بھی جاتے ہیں لوگوں کا سمندرہوتا ہے، نوازشریف نےعوام کی خدمت کی ہے اور جس کے ساتھ عوام اوراللہ کی طاقت ہو وہ جس الیکشن میں حصہ لے وہ جیتے گا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں