طلال چوہدری کی نااہلی کی خبر، مریم اورنگزیب سکتے میں آگئیں
The news is by your side.

Advertisement

طلال چوہدری کی نااہلی کی خبر، مریم اورنگزیب سَکتے میں آگئیں

اسلام آباد: مسلم لیگ ن کی ایک اوروکٹ گرگئی، طلال چوہدری کی نااہلی کی خبر پر مریم اورنگزیب سکتے میں آگئیں۔

تفصیلات کے مطابق پہلے نہال پھر دانیال اور اب طلال چوہدری کی نااہلی ن لیگیوں پر بجلی بن کرگری، طلال چوہدری کی نااہلی کی خبر سن کر مریم اورنگزیب ہکا بکا رہ گئی۔

طلال چوہدری کے خلاف فیصلے کے بعد صحافی نے سوال کیا طلال چوہدری کو نااہلی کی سزا سنا دی گئی ہے؟ صحافی کا سوال سن کر مریم اورنگزیب ایک دم چونک گئیں اور چلتے چلتے رک سوال کرتے ہوئے پوچھا کہ ” سنا دی گئی ہے۔

دوسری جانب مصدق ملک نے افسردگی سے کہا عدالتی فیصلہ تسلیم کرنے یا نہ کرنے سے کوئی فرق نہیں پڑتا، تسلیم نہ کرنےسے فیصلہ بدل نہیں جائے گا، فیصلہ ماننے کے علاوہ کوئی چارہ نہیں، وکلا سے مشورے کے بعد نظرثانی درخواست دائرکریں گے۔


مزید پڑھیں : توہین عدالت کیس: طلال چوہدری 5 سال کے لیے نا اہل قرار


یاد رہے کہ سپریم کورٹ نے توہین عدالت کا جرم ثابت ہونے پر لیگی رہنما طلال چوہدری کو ایک لاکھ جرمانے اور پانچ سال کیلئےنااہل قراردے دیا۔

مسلم لیگ ن کے رہنما نے رواں سال جنوری میں  جڑانوالہ کے جلسے میں عدلیہ کے خلاف توہین آمیز زبان استعمال کی تھی۔

سپریم کورٹ نے مسلم لیگ ن کے رہنما طلال چوہدری کی 24 اور 27 جنوری 2018 کی تقاریرمیں عدلیہ مخالف تقاریر پرنوٹس لیا تھا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں