اسلام آباد : وزیر مملکت برائے اطلاعات و نشریات مریم اورنگزیب نے کہا ہے کہ کے پی کے کی عوام نیب کو خط لکھ رہے ہیں، عمران خان رونے کی بجائے نیب کو اپنی کرپشن کا جواب دیں۔ رونے سے کوئی فرق نہیں پڑے گا ،اب کام کرنے کا وقت گزر گیا ہے۔
یہ بات انہوں نے اپنے جاری کردہ ایک بیان میں کہی، مریم اورنگزیب نے کہا کہ خان صاحب اور ان کے وزراء پرجب کرپشن کا الزام لگتا ہے تورونا شروع کر دیتے ہیں مگر ساڑھے تین سال دوسروں پر جھوٹے الزام لگاتے ہوئے انہیں شرم نہیں آئی۔
مریم اورنگزیب کا کہنا تھا کہ عمران خان نے ساڑھے تین سال میں 25 سے26ارب جھوٹ بولے اور یو ٹرن لیے جبکہ ان کی ناکامی کے پیچھے منفی سیاست اور جھوٹ بولنے کی عادت ہے۔
انہوں نے مزید کہا کہ عمران خان سے اور تو کچھ ہوا نہیں مگر اچھی بات ہے کہ انہوں نے درخت لگانے شروع کر دیئے ۔عمران خان اگر درخت بھی نہ لگاتے تو2018 میں خیبر پختونخوا کے عوام کو کیا منہ دکھاتے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں