The news is by your side.

Advertisement

ہفتے میں تین تین بارپیش ہونےوالےکواستثنیٰ نہیں دیا جا رہا‘ مریم اورنگزیب

اسلام آباد: وزیرمملکت برائے اطلاعات ونشریات مریم اورنگزیب کا کہنا ہے کہ ایس ایس پی تشدد کیس میں دہشت گردی کی دفعات پراستثنیٰ دیا گیا لیکن ہفتےمیں تین تین بارپیش ہونے والے کواستثنیٰ نہیں دیا جا رہا۔

تفصیلات کے مطابق اسلام آباد میں صحافیوں سے گفتگوکرتے ہوئے مریم اورنگزیب نے کہا کہ ساتھ والی عدالت سے لاڈلے کو استثنیٰ مل گیا جبکہ شوہر اوربیٹی عیادت کے لیے جانا چاہتے ہیں مگر اجازت نہیں دی جا رہی۔

وزیرمملکت برائے اطلاعات ونشریات نے کہا کہ جس کے خلاف کرپشن ثابت نہیں اس پرریفرنس دائرہورہے ہیں، بھر کرلائے جانے والےصندوقوں میں کچھ نہیں جبکہ صندوقوں کی چابی واجد ضیاء کے پاس ہے۔

مسلم لیگ ن کی رہنما مریم اورنگزیب نے صحافیوں سے گفتگو کرتے ہوئے کہا کہ ایک بارکے وزیراعلی، 3 بارکے وزیراعظم کے خلاف ایک ثبوت نہیں ہے۔

انہوں نے کہا کہ عمران خان کو جھوٹ بولنےکے دورے پڑتے ہیں، خیبرپختونخواہ میں کسی اسپتال اوراسکول کی حالت بہتر نہیں ہے، 2013 سے عمران خان کا جھوٹ اور الزامات کا وتیرا نہیں بدلا۔

وزیرمملکت برائے اطلاعات ونشریات مریم اورنگزیب نے کہا کہ دنیا جانتی ہے زرداری صاحب کا احتساب عدالت سے ریکارڈغائب ہوگیا۔

نیب ریفرنسز: نواز شریف اور مریم کی حاضری سے استثنیٰ کی درخواست مسترد

خیال رہے کہ گزشتہ ہفتے احتساب عدالت نے سابق وزیراعظم نواز شریف اور ان کی صاحبزادی مریم نواز کی عدالت سے نیب ریفرنسز میں حاضری سے استثنیٰ کی درخواست مسترد کردی تھی۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں