The news is by your side.

Advertisement

مریم نواز کی نوازشریف سے ہفتے میں 2 دن ملاقات کیلئے درخواست دائر

لاہور : مسلم لیگ ن کی رہنما مریم نواز نے اپنے والد نواز شریف سے ہفتے میں 2 دن ملاقات کیلئے درخواست دائر کردی ، جس میں کہا حکومت کا ملاقات کا ایک دن طے کیا جانا غیرقانونی ہے ، ہفتے میں 2 روز ملاقات کا حکم دیا جائے۔

تفصیلات کے مطابق سابق وزیراعظم نواز شریف کی صاحبزادی مریم نواز نے جیل میں اپنے والد سے ہفتے میں 2 روز ملاقات کیلئے درخواست دائر کردی ، مریم نواز کی جانب سے لاہور ہائی کورٹ میں درخواست دائرکی گئی۔

درخواست میں مریم نواز نے مؤقف اختیار کیا کہ حکومت کی جانب سےصرف ایک روز ملنےکی اجازت ہے، نواز شریف دل سمیت متعدد بیماریوں میں مبتلا ہیں، حکومت کا ملاقات کا ایک دن طے کیا جانا غیرقانونی ہے۔

دراخواست میں کہا گیا نواز شریف پرجیل حکام کی جانب سے پابندیاں خلاف قانون ہیں، استدعا ہے نوازشریف سے ہفتے میں 2 روز ملاقات کا حکم دیا جائے۔

خیال رہے کوٹ لکھپت جیل میں جمعرات کا دن ملاقات کیلئے مختص ہے ، آج بھی مریم نواز اور شہباز شریف نے سابق وزیر اعظم محمد نواز شریف سے ملاقات کی جبکہ پارٹی رہنماﺅں اور کارکنوں کو ملاقات کی اجازت نہیں مل سکی۔

مزید پڑھیں : نواز شریف کو جو سہولیات مل رہی ہیں وہ وزیراعظم کو بھی حاصل نہیں، شہباز گل

یاد رہے دو روز قبل ترجمان وزیراعلیٰ پنجاب شہباز گل نے کہا تھا کہ جھوٹ بولا گیا کہ نواز شریف کا گھر سے کھانا آنا بند ہوگیا ہے، نواز شریف کو جو سہولیات مل رہی ہیں وہ وزیراعظم کو بھی حاصل نہیں ہیں۔

شہباز گل کا کہنا تھا ایک طرف کہا جاتا ہے نواز شریف کا 90 فیصد ایک وال بند ہے، دل کا مریض روزانہ گوشت اور انڈے کھا رہا ہے، گھر کا کھانا کھاکر وہ خود کو مزید بیمار کررہے ہیں۔

Comments

یہ بھی پڑھیں