The news is by your side.

Advertisement

نواز شریف کی تنقید کو اداروں پر تنقید کا نام نہ دیا جائے: مریم نواز

لیپہ: پاکستان مسلم لیگ ن کی رہنما مریم نواز نے کہا ہے کہ نواز شریف کی تنقید کو اداروں پر تنقید کا نام نہ دیا جائے، ملکی ترقی کے لیے اداروں کو نواز شریف کے بیانیے پر چلنا ہوگا۔

ان خیالات کا اظہار وہ آزاد کشمیر کے گاؤں لیپہ میں انتخابی جلسے سے خطاب میں کر رہی تھیں، مریم نواز نے کہا نوازشریف کے فوج مخالف ہونے کا پروپیگنڈا کرنے والوں کو شرم آنی چاہیے، جن لوگوں پر نواز شریف نے تنقید کی، ان کے کام کا نقصان پاکستان اور کشمیر کے ساتھ ساتھ اداروں کو بھی پہنچا۔

مریم نواز کا کہنا تھا کہ نواز شریف کو ہرانے کے لیے تین سال بعد بھی ووٹ چوری کرنا پڑتا ہے، لیکن ن لیگ کے شیروں کو چوری شدہ ووٹ حلق سے نکلوانا آ گیا ہے، عمران خان میدان میں نوازشریف کا مقابلہ نہیں کر سکتا۔

انھوں نے کہا نوازشریف اور ن لیگ کو چورچور کے الزامات کی قلعی بھی عدالتوں نے کھول دی، عدالت نے کہا نواز شریف، شاہد خاقان، سعد رفیق، شہباز شریف پر کرپشن کا الزام نہیں، نواز شریف کا ایک ہی جرم ہے کہ پاکستان اور کشمیری عوام نے انھیں چھوڑنے سے انکار کر دیا۔

انھوں نے کہا کہ خود عمران خان نے کہا کہ نیب ن لیگ کے خلاف کوئی الزام ثابت کرنے میں کامیاب نہ ہوئی، نیب والوں نے مجھ سے بھی سوال پوچھا کہ آپ کو افسوس ہوتا ہوگا، اگر آپ اتنی باتیں نہ کرتیں تو آج یہاں نہ ہوتیں، میں نے کہا شکریہ کہ تم مان گئے کہ میں کسی جرم کی پاداش میں یہاں نہیں۔

Comments

یہ بھی پڑھیں