تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

مریم نواز کو والد کے پاس اسپتال میں رہنے کی اجازت مل گئی

لاہور: وزیر اعظم عمران خان کا بڑا فیصلہ سامنے آ گیا ہے، مریم نواز کو والد کے پاس اسپتال میں رہنے کی اجازت دے دی گئی۔

تفصیلات کے مطابق وزیر اعظم کی ہدایت پر حکومت نے مریم نواز کو اپنے والد نواز شریف کے پاس سروسز اسپتال میں رہنے کی اجازت دے دی ہے، کہا گیا ہے کہ مریم نواز اسپتال میں رہ کر والد کی دیکھ بھال کر سکتی ہیں۔

وزیر اعظم عمران خان کی خصوصی ہدایت سے پنجاب حکومت کو آگاہ کر دیا گیا، گورنر پنجاب کا کہنا ہے کہ وزیر اعظم نے مریم کی منتقلی کے لیے قانونی تقاضے پورے کرنے کی ہدایت جاری کر دی ہے۔

معاون خصوصی نعیم الحق کے مطابق وزیر اعظم نے کہا مریم نواز کو اپنے والد کے پاس ہونا چاہیے، انھوں نے ہدایت کی ہے کہ مریم کو نواز شریف کے پاس پہنچایا جائے۔

یہ بھی پڑھیں:  مریم نواز اسپتال سے کوٹ لکھپت جیل منتقل

ذرایع کا کہنا ہے کہ مریم نواز کو والد کے وارڈ میں ہی کمرا دیا جائے گا، انھیں نواز شریف کے سامنے والا کمرہ دیا جا سکتا ہے۔

خیال رہے کہ اس سے قبل سابق وزیر اعظم کی صاحب زادی مریم نواز کو طبعیت بہتر ہونے پر سروسز اسپتال سے کوٹ لکھپت جیل منتقل کر دیا گیا تھا، مریم نواز کی گزشتہ رات والد سے ملاقات کے دوران طبعیت ناساز ہو گئی تھی جس کے بعد انھیں سروسز اسپتال میں ہی داخل کیا گیا تھا۔

بتایا گیا کہ اینگزائٹی اٹیک سے مریم نواز کا رنگ پیلا پڑ گیا تھا، دل کی دھڑکن تیز اور پسینے آنے لگے تھے، جس کے بعد مختلف ٹیسٹ اور ای سی جی کی گئی جو کہ نارمل آئی۔

Comments

- Advertisement -