site
stats
پاکستان

جناب والا! کوئی جلدی نہیں، سب جلدبازیاں صرف نوازشریف کیلئے تھیں ،مریم نواز

اسلام آباد : سابق وزیراعظم کی صاحبزادی مریم نواز نے ایک بار پھر عدلیہ پر تنقید کرتے ہوئے کہا کہ جناب والا! کوئی جلدی نہیں سب جلدبازیاں صرف نوازشریف کیلئے تھیں۔

تفصیلات کے مطابق سپریم کورٹ کی جانب سے عمران خان اور جہانگیر ترین کی نااہلی کا فیصلہ محفوظ کئے جانے پر نااہل وزیر اعظم نواز شریف کی صاحبزادی نے سماجی رابطے کی وہب سائٹ ٹوئٹر پر اپنے پیغام میں کہا کہ کوئی جلدی نہیں، سب جلدبازیاں صرف نوازشریف کے لیئے تھیں۔

مریم نواز نے اپنے ٹو ئٹ میں کہا کہ نوازشریف کے خلاف فیصلہ کرانے کے لیئے’عدل’ کے نئے پیمانے بنائے گئے، عدل کےسارے سانچےنوازشریف اور خاندان کیلئے ہیں، دوسروں سے سوال نہ جواب، کوئی اشتہاری سےیہ بھی نہیں پوچھتا2سال کہاں تھے؟

سابق وزیراعظم کی صاحبزادی کا مزید کہنا تھا کہ دوسروں سے سوال نہ جواب، کوئی اشتہاری سےیہ بھی نہیں پوچھتا2سال کہاں تھے؟ عمران خان کیس قانونی اعتبارسےاقامہ کےلطیفےسےزیادہ سنگین ہے، اب قوم اس کیس کے فیصلے کا انتظارکررہی ہے۔

ایک اور ٹوئٹ میں انھوں نے کہا کہ نوازشریف نےخودکوبےرحم احتساب کےلئےپیش کیا، وہ جانتےتھےیہ سب مضحکہ خیز ہے، دوسرے بھی اب یہ کرکے دکھائیں۔

خیال رہے کہ چیف جسٹس پاکستان میاں ثاقب نثار کی سربراہی میں تین رکنی بینچ نے عمران خان نااہلی کیس کا فیصلہ محفوظ کرتے ہوئے ریمارکس دیے کہ یہ نہ سمجھا جائے کہ فیصلہ کل آجائے گا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top