مریم نواز این اے120ضمنی انتخاب میں کامیابی کے بعد لندن روانہ Maryam
The news is by your side.

Advertisement

مریم نواز این اے120ضمنی انتخاب میں کامیابی کے بعد لندن روانہ

لاہور : سابق وزیراعظم نواز شریف کی صاحبزادی مریم نواز این اے 120ضمنی انتخاب میں کامیابی کے بعد لندن روانہ ہوگئیں۔

تفصیلات کے مطابق سابق وزیراعظم نواز شریف کی صاحبزادی مریم نواز لندن روانہ ہوگئیں، کیپٹن (ر)صفدر بھی انکے ہمراہ ہیں، مریم نواز غیرملکی پرواز کے ذریعے براستہ دوحہ لندن پہنچیں گی۔

مریم نواز والدہ کی عیادت کے لئے لندن روانہ ہوئی ہیں۔


مزید پڑھیں : عوام نے نواز شریف کی نااہلی کا فیصلہ مسترد کردیا، مریم نواز


گذشتہ روز لاہور میں این اے 120 کے ضمنی الیکشن میں فتح یاب ہونے کے بعد مریم نواز کا کہنا تھا کہ ہ عوام نے آج عدالتی فیصلے کو مسترد کرکے نوازشریف کو عوام نے سرخرو کر دیا ہے، آپ کے 60 ہزار ووٹ 60 لاکھ کے برابر ہیں۔

مریم نواز کا کہنا تھا کہ عوام نے اپنے ووٹ سے نوازشریف کے خلاف سازشوں کو ناکام بنایا اور لاہورکےعوام نےثابت کردیا کہ نوازشریف ان کے دلوں میں بستے ہیں، رونے کا وقت ہوگیا ہے،عمران خان رو رہا ہوگا۔

یاد رہے کہ قومی اسمبلی کے حلقہ این اے 120 کےغیرسرکاری غیرحتمی نتائج کے مطابق مسلم لیگ ن کی امیدار بیگم کلثوم نواز کو کامیاب قرار پائی، انہوں نے 61745 ووٹ حاصل کیے۔


مزید پڑھیں : این اے 120 : کلثوم نواز کی جیت کا غیرسرکاری اعلان


خیال رہے کہ گلے کے کینسر میں مبتلا بیگم کلثوم نواز لندن میں زیر علاج ہے ، بیگم کلثوم نواز کے دو آپریشنز ہوچکے ہیں جبکہ نوازشریف اور صاحبزادے حسین نواز اور حسن نواز بھی لندن میں موجود ہیں۔

واضح رہے کہ سابق وزیراعظم کی اہلیہ اپنے شوہر کی نااہلی کے بعد خالی ہونے والی نشست این اے 120 سے مسلم لیگ (ن) کی جانب سے ضمنی الیکشن میں حصہ لیا اور انکی جگہ مریم نواز نے انتخابی مہم چلائی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں