مسلم لیگ ن کی مرکزی نائب صدر مریم نواز نے بھی گھڑی اور ہار بیچنے پر ردعمل دے دیا۔
اے آر وائی نیوز کے مطابق مسلم لیگ ن کی مرکزی نائب صدر مریم نواز نے سماجی رابطے کی ویب سائٹ ٹویٹر پر لکھا کہ ’عمران خان نے گھڑی اور ہار پہلے خریدے پھر بیچے دیے یہ اصل کہانی نہیں ہے۔
مریم نواز نے لکھا کہ اصل کہانی یہ ہے کہ گھڑی اور ہار کتنے میں خریدے اور کتنے میں بیچے۔
انہوں نے لکھا کہ اصل سوال ہے کہ وہ تحائف خریدنے کے لیے عمران خان کے پاس پیسے کہاں سے آئے ہیں، ان کی تنخواہ کے علاوہ ان کا کوئی ذریعہ آمد نہیں، تحائف خریدنے کے لیے پیسے کہاں سے آئے۔
عمران خان نے گھڑی اور ہار پہلے خریدے،پھر بیچ دئیےاصل کہانی نہیں۔عمران نے وہ گھڑی اور ہار کتنے میں حکومت سے خریدےاور کتنے میں بازار میں بیچ دیےاصل کہانی ہے۔اور وہ تحائف خریدنے کے لیے اس کے پاس پیسے کہاں سے آئے اصل سوال ہے کیونکہ وزیراعظم کی تنخواہ کے علاوہ اسکاکوئی ذریعہ آمدن نہیں
— Maryam Nawaz Sharif (@MaryamNSharif) April 15, 2022
