The news is by your side.

Advertisement

عمران خان کے جھوٹ آج تار تار ہو گئے، مریم نواز

لاہور: مسلم لیگ (ن) کی نائب صدر مریم نواز کا کہنا ہے کہ آج عمران خان کے جھوٹ تار تار ہو گئے، جس نے اقتدار سے چمٹے رہنے کے لیے خطرناک کھیل کھیلا۔

تفصیلات کے مطابق سماجی رابطے کی ویب سائٹ ٹوئٹر پر جاری بیان میں مریم نواز نے کہا کہ اقتدار سے چمٹے رہنے کے لیے عمران خان نے خطرناک کھیل کھیلا اور نیشنل سیکیورٹی کونسل جیسے فورم کو سازشی ڈرامے کے لئے استعمال کیا مگر آج عمران خان کے جھوٹ تار تار ہو گئے۔

مریم نواز نے کہا کہ جھوٹ بولا گیا کہ انہوں نے آپشن دیئے تھے، انہوں نے این آر او کیلئے اسٹیبلشمنٹ کے ترلے کیے اب وقت آگیا ہے تمہارے ایک ایک جھوٹ کا محاسبہ کیا جائے۔

اپنے ٹوئٹ میں مریم نواز نے لکھا کہ کرسی کی خاطر قومی سلامتی سے کھیلنے کی کوششوں کا محاسبہ کیا جائے، حوصلہ رکھو، اب سامنا کرنا، ہمیشہ کی طرح بھاگ نہ جانا، کیونکہ یہ قوم تمہیں اب بھاگنے نہیں دے گی۔

واضح رہے کہ آج ڈی جی آئی ایس پی آر میجر جنرل بابر افتخار نے میڈیا سے گفتگو کرتے ہوئے کہا تھا کہ 9 اپریل کو وزیراعظم سے کسی عسکری حکام نے ملاقات نہیں کی، کسی لمحے کسی جگہ فوج کا کوئی عمل دخل ہے نہ کسی شخصیت کا اس میں عمل دخل ہے۔

انہوں نے کہا کہ جب بلایا گیا تب ہی گئے تھے اور اس کے بعد دوبارہ کسی قسم کی کوئی مداخلت نہیں کی۔

ایک اور سوال کے جواب میں میجر جنرل بابر افتخار نے کہا کہ اگر فوجی اڈے مانگے جاتے تو فوج کا جواب بھی وہی ہوتا جو وزیراعظم کا تھا۔

ڈی جی آئی ایس پی آر نے بتایا کہ امریکا کی جانب سے کوئی اڈے مانگے نہیں گئے۔

Comments

یہ بھی پڑھیں